მოზაიკა

ძეხვეული ასთმის სიმპტომებს აძლიერებს

გადამუშავებული ხორცპროდუქტები შესაძლოა, გახდეს ასთმის სიმპტომების გაძლიერების მიზეზი. ამის შესახებ ნათქვამია კვლევაში, რომელიც ჟურნალ Thorax-ში გამოქვეყნდა.

მეცნიერების მტკიცებით,ძეხვეული, სოსისები და ლორი შეიცავს ნიტრანტის კონსერვანტს, რომელიც ვნებს სასუნთქ გზებს.

როგორც ირკვევა, კვირის განმავლობაში ოთხ პორცია გადამუშავებულ ხორცპროდუქტებზე მეტის მიღება აძლიერებს ასთმის ისეთ სიმპტომებს, როგორებიცაა სუნთქვის გართულება და უკმარისობა, ასევე შებოჭილობის შეგრძნებას მკერდში.

ერთ პორციაში კი, მეცნიერები გულისხმობენ ორ ნაჭერ ლორს ან ძეხვს ანდა ერთ სოსისს. შესაბამისად, მათი დაკვირვებით, კვირაში 4 ცალ სოსისზე ან 8 ნაჭერ ძეხვზე მეტის მირთმევა უარყოფითად იმოქმედებს ადამიანის სასუნთქი გზების მუშაობაზე.

კვლევის ფარგლებში მეცნიერები 2003-2013 წლის პერიოდის მანძილზე აკვირდებოდნენ საფრანგეთის 1000 მოქალაქის კვების რაციონს, რომელთა ნახევარიც ასთმიანი იყო.

მკვლევარების შეფასებით, ისინი ვინც, მათ მიერ დადგენილ პორციაზე მეტი ოდენობით ძეხვეულს იღებდა, ასთმასთან დაკავშირებული სირთულეები გაუძლიერდა.

ნინო ექვთიმიშვილი