მოზაიკა

თბილისში ამბის თხრობის ფესტივალი - ZEG გაიხსნა

თბილისში ამბის თხრობის საერთაშორისო ფესტივალი ZEG გაიხსნა. ღონისძიება 2025 წელს მეხუთედ იმართება. როგორც „მედიანიუსს“ ZEG-ის თანადამფუძნებელმა ქეთევან ებანოიძემ განუცხადა, გასული 4 ფესტივალისაგან განსხვავებით, წლევანდელი ღონისძიება ყველაზე მასშტაბურია. მასში 120-ზე მეტი სპიკერი მონაწილეობს, აქედან 110 საქართველოს მსოფლიოს სხვადასხვა ქვეყნიდან ეწვია.

„მომხსენებლები დღესდღობით საინტერესო, თითქმის ყველა თემას შეეხებიან - იქნება ეს ეკონომიკა, ფილოსოფია, ისტორია, კინო, ფოტოგრაფია თუ სხვა. გაიმართება პანელური დისკუსიები, მასტერკლასები, ვორქშოფები, სადაც პროფსიონალების საინტერესო გამოსვლებს მოვისმენთ“, -- აღნიშნა ქეთევან ებანოიძემ.

მომხსენებლებს შორის არიან: ლეგენდარული ფოტოგრაფი პლატონი, ცნობილი არქიტექტორი ალეხანდრო არავენა, სატირიკოსი და არაერთი ცნობილი ფილმის რეჟისორი და სცენარისტი (მათ შორის “The Death of Stalin”) არმანდო იანუჩი, ნობელის პრემიის ლაურეატი ჯოზეფ სტიგლიცი.

შეგახსენებთ, რომ ZEG ამბის თხრობის პირველი საერთაშორისო ფესტივალია რეგიონში, რომელიც Impact Hub Tbilisi-სა და Coda Story-ის მიერ 2019 წელს დაარსდა.

ღონისძიება წელსაც 3-დღიანია და 15 ივნისს დაიხურება.