უახლესი ამბები
- 08.05.2024 18:16არ შეიძლება `ქართული ოცნება` იდგეს ამ ზარების უკან, გამორიცხულია, შეურაცხყოფაა - გია ვოლსკი
- 08.05.2024 16:44ხელისუფლებას ისეთი ტემპი აქვს აკრეფილი საკუთარი თავის დასრულების ამ შემოდგომაზე, ერთადერთი იმაზე ვნერვიულობ, შემოდგომამდე მშვიდად მივიდეთ - იაგო ხვიჩია
- 08.05.2024 16:34ასე გამოიყურება ავტორიტარიზმი, სირცხვილი „ქართულ ოცნებას“ - მირიამ ლექსმანი
- 08.05.2024 14:59არა რუსულ კანონს! - 11 მაისს, 16:00 საათზე, თბილისში მშობლების მარში გაიმართება
- 08.05.2024 14:53საზოგადოებამ მორალურად უნდა შეაფასოს ადამიანები, რომლებიც ჩართული არიან, მათ შორის ფაშისტური ხასიათის კამპანიებში, როცა ადამიანებზე მიმდინარეობს მორალური ტერორი, ბულინგი - შალვა პაპუაშვილი
- 08.05.2024 12:43მივმართავ სუს-ის უფროსს, ლილუაშვილს, ასევე, კობახიძეს: ჩაშალეთ რევოლუციური სცენარის მცდელობა, გაიწვიეთ “რუსული კანონი!” - პაატა მანჯგალაძე
- 08.05.2024 12:33„ქართულ ოცნებას“ ახლა სუს-იც უერთდება და მტკიცებულებების გარეშე ამბობს, რომ დასავლეთიდან შემოსული ფულით კეთდება თურმე აქ გადატრიალება - თეონა აქუბარდია
- 08.05.2024 12:14ლიტერატურულ გამოცემა `არილი,` კულტურის სამინისტროს მიერ დაფინანსების შეწყვეტის გამო, იხურება
- 08.05.2024 10:35სამწუხაროდ, 2019 წლის შეცდომა კვლავ განმეორდა, ზოგიერთმა უცხოელმა აქტორმა წინდაუხედავად ძალადობრივი აქციები კვლავ „მშვიდობიანად“ მონათლა, პოლიციის ლეგიტიმური ქმედება, ძალის მინიმალური გამოყენებით კი დაგმო - შალვა პაპუაშვილი
არქივი
ეკონომიკა
ელექტროენერგიის ტარიფი სავარაუდოდ გაიზრდება - გიორგი ჩიქოვანი
ელექტროენერგიის ტარიფი,სავარაუდოდ, გაიზრდება. ამის შესახებ ენერგეტიკის მინისტრის მოადგილემ გიორგი ჩიქოვანმა Bm.ge-ის უთხრა.
„ტარიფის კორექტორება სემეკის კომპეტენციაა. გენერაციის რამდენიმე ახალი ობიექტია შესული ექსპლოატაციაში. ჩემი აზრით, ტარიფი, სავარაუდოდ, გაიზრდება, თუმცა არა მნიშვნელოვნად, რომ ეს მძიმედ დააწვეს მოსახლეობას“, – თქვა ჩქოვანმა.
საქართველოს ენერგეტიკისა და წყალმომარაგების მარეგულირებელი ეროვნული კომისია ელექტროენერგიის გატარების, განაწილებისა და მოხმარების ტარიფებს „თელასისა“ და „ენერგო–პრო ჯორჯიას“ აბონენტებისთვის წლის ბოლომდე დაითვლის.
ამასთან, მინისტრის მოადგილემ იმ პოლიტიკაზე ისაუბრა, რომელიც საქართველოს მთავრობამ ენერგეტიკის დარგში საერთაშორისო სავალუტო ფონდთან თანამშრომლობის შედეგად უნდა გაატაროს, გენერაციის ახალი ობიექტების ფისკალური რისკების გათვალისწინებით.
კითხვაზე, როგორ შეიძლება ერთდროულად, ერთი მხრივ ახალი, რენტაბელური ჰიდროელექტროსადგურების მშენებლობა არ შეფერხდეს და მეორე მხრივ, მათი გამომუშავებული ელექტროენერგია სამომხმარებლო ტარიფს მძიმედ არ დააწვეს, გიორგი ჩიქოვანმა საპასუხოდ აღნიშნა, რომ „შეუძლებელია რაღაც ახალი აშენდეს და ის არ აისახოს ტარიფზე“.
„ჩვენ მოხმარების სერიოზული ზრდა გვაქვს, რაც ახალ რესურსებსა და გენერაციის ახალ ობიექტებს საჭიროებს. ახალი უფრო ძვირია. ჩვენ „ენგურჰესი“ დაგვრჩა ძველი დროიდან. ახალი ობიექტი კი ახალ, მეტ ტარიფს საჭიროებს და არ უნდა გვქონდეს იმის შეგრძნება, რომ პირიქით, გაიაფდება ელექტროენერგია, ვინაიდან თითოეული ახალი კილოვატი სერიოზულ ინვესტიციებს მოითხოვს. რაც შეეხება ჩვენს ხედვას სავალუტო ფონდთან – ჩვენი მიზანია, გაკეთდეს სტრატეგია, სადაც გაიწერება, რა იქნება ჩვენი მოხმარება მომავალში და რითი უნდა დაკმაყოფლდეს. როდესაც ამას გავუზიარებთ იგივე სსფ–ს, მათ საკმაოდ კარგი სპეციალისტები ჰყავთ და ნახავენ, რომ მოხმარება თუ იზრდება, ეს ობიექტები საჭიროა და ამ მხრივ ვაპირებთ ზუსტად მათთან მუშაობას“, – განაცხადა ჩიქოვანმა.
შეგახსენებთ, რომ საერთაშორისო სავალუტო ფონდი საქართველოს მთავრობას ენერგოსექტორში ფისკალური რისკების მართვისკენ მოუწოდებს. ამ მიზნით ხელისუფლება ორგანიზაციასთან თანამშრომლობს, რის შედეგადაც კერძო და საჯარო პარტნიორობის შესახებ ახალი კანონის პროექტი დაიწერა. კანონპროექტი ახალი ჰიდროელექტროსადგურების ტარიფების შეფასებას ფინანსთა სამინისტროს შესაბამისი ანალიტიკური დეპარტამენტისა და კერძო აუდიტის ჩართულობით ითვალისწინებს. ენერგეტიკის სამინისტროში მიაჩნიათ, რომ ამ მიდგომით ახალი ობიექტები სამართლიან და საბაზრო კონიუნქტურასთან მიახლოებულ ტარიფებს მიიღებენ, რაც სამომავლოდ საფუძველი იქნება იმისა, რომ ერთი მხრივ, სახელმწიფომ შედარებით მისაღებ ფასად შეიძინოს ადგილობრივი ელექტროენერგია და მეორე მხრივ, ეს ახალი წყაროები საბოლოო მომხმარებელს ძვირი არ დაუჯდეს. რაც შეეხება გარანტირებული შესყიდვის ხელშეკრულებებს, მსგავსი პრაქტიკა სავარაუდოდ, 2018 წლიდან აღარ იარსებებს.