უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
ეკონომიკა
ეროვნულ ბანკში კრიპტოვალუტების საზედამხედველო მიდგომებთან დაკავშირებით შეხვედრა გაიმართა
კრიპტოვალუტების რეგულირების შესწავლის ფარგლებში, საქართველოს ეროვნულ ბანკს გერმანიის ფინანსური სექტორის ზედამხედველობის (BaFin) წარმომადგენელი ჯენს მუენზერი ეწვია. შეხვედრაში, რომლის მთავარი მიზანი კრიპტოვალუტებთან დაკავშირებული საზედამხედველო გამოცდილების გაზიარება იყო მონაწილეობდნენ საქართველოს ეროვნული ბანკის, საერთაშორისო ფინანსური ინსტიტუტების (IFI), კერძო სექტორის, კომერციული ბანკების, საბროკერო, აუდიტორული და იურიდიული კომპანიების წარმომადგენლები.
როგორც ეროვნულ ბანკში აცხადებენ, კრიპტოვალუტებთან დაკავშირებული საქმიანობა, როგორც მოპოვება, ისე ვაჭრობა, მზარდია მსოფლიო მასშტაბით და გამონაკლისს არც საქართველო წარმოადგენს. ამასთან, საქართველოს კანონმდებლობა არ არეგულირებს ვირტუალურ ვალუტასთან დაკავშირებულ საქმიანობას და კრიპტოვალუტა არ წარმოადგენს გადახდის კანონიერ საშუალებას. მას ახასიათებს ფასების მაღალი მერყეობა, რის გამოც დიდია იმის ალბათობა, რომ მომხმარებლებმა ფინანსურად იზარალონ.
როგორც შეხვედრაზე აღინიშნა, ვირტუალური ვალუტის ინდუსტრია საწყისი განვითარების ფაზაშია. მასთან დაკავშირებული საკანონმდებლო თუ საზედამხედველო ჩარჩო ქვეყნების მიხედვით განსხვავებულია და, უმეტეს შემთხვევაში, ჯერ კიდევ შესწავლის პროცესშია.
შეხვედრის მონაწილეებს საშუალება ჰქონდათ გერმანიის ფინანსური სექტორის ზედამხედველობის წარმომადგენელისთვის დაესვათ შეკითხვები და მიეღოთ დეტალური განმარტებები კრიპტოვალუტის რეგულირებასთან დაკავშირებულ ბევრ საინტერესო საკითხზე.