მოზაიკა

ფეისბუკს შეცდომა გაეპარა - 14 მილიონი მომხმარებლის „დახურული“ პუბლიკაციები ყველასთვის ხელმისაწვდომი გახდა

ფეისბუკმა 14 მილიონი მომხმარებლის სხვებისთვის „დახურული“ პოსტები უნებლიეთ გაასაჯაროვა.

კომპანიამ განმარტა, რომ აღნიშნული შეცდომა შეეხო 18-დან 27 მაისამდე გაკეთებულ პოსტებს.

მიუხედავად იმისა, რომ ფეისბუკმა ეს გადაცდომა აღმოაჩინა 22 მაისს, მის გამოსასწორებლად 5 დღე დასჭირდა. კომპანიამ 14 მილიონ მომხმარებელს ამის შესახებ შეატყობინა, რათა მათ ისევ დააყენონ თავიანთი პოსტები „დახურულ რეჟიმზე“.

სოციალურ ქსელში ახსნეს, რომ დარღვევა მოხდა პროგრამულ უზრუნველყოფაში, რის გამოც ზოგიერთი მოხმარებლის ჩანაწერების პარამეტრები „საჯარო“, ანუ ყველასთვის ხელმისაწვმოდი გახდა. ძირითადად, ის, თუ ვის შეუძლია მომხმარებლის ჩანაწერების ნახვა, გამომდინარეობს წინა პუბლიკაციების პარამეტრებიდან. მაგალითად, თუ წინა პოსტები იყო დახურულ რეჟიმში და მათი ნახვა მხოლოდ მოხმარებელს შეეძლო, მაშინ ეს პარამეტრები გავრცელდებოდა შემდეგ ჩანაწერებზე.

ეს არაა პირველი შემთხვევა, როცა ფეისბუკს მომხარებლის წინაშე თავის მართლება უწევს. 2018 წლის გაზაფხულზე გახდა ცნობილი, რომ ბრიტანულმა კომპანიამ Cambridge Analytica-მ, რომელიც დონალდ ტრამპის საარჩევნო შტაბთან თანამშრომლობდა, ფეისბუკ მომხმარებელთა ინფორმაციას იყენებდა პოლიტიკურ რეკლამაში გამოსაყენებლად. მის ხელთ აღმოჩნდა 87 მილიონი მომხარებლის პირადი მონაცემები.