მსოფლიო
ფრანგი ხალხის არჩევანს პატივს ვცემთ - დიმიტრი პესკოვი
რუსეთი, საფრანგეთთან ურთიერთმომგებიანი ურთიერთობის წარმართვას გეგმავს, ამასთან, ფრანგი ხალხის არჩევანს პატივს სცემს.
ამის შესახებ რუსეთის პრეზიდენტის პრესმდივანმა დიმიტრი პესკოვმა, საფრანგეთში გამართული საპრეზიდენტო არჩევნების პირველი ტურის შედეგების კომენტირებისას განაცხადა.
„მომხრე ვართ, რომ საფრანგეთთან ურთიერთმომგებიანი ურთიერთობა წავრმართოთ. ფრანგების არჩევანს პატივს ვცემთ“,-აღნიშნა დიმიტრი პესკოვმა.
საფრანგეთში გუშინ გამართული საპრეზიდენტო არჩევნების პირველი ტურის შედეგად, მეორე ტურში ემანუელ მაკრონი 23,75%-ით და მარინ ლე პენი 21,53%-ით გავიდნენ.
აღსანიშნავია, რომ ემანუელ მაკრონი ქვეყნის ევროკავშირში უფრო ღრმა ინტეგრაციის მომხრეა, მაშინ როდესაც მარინ ლე პენი პირობას დებს, რომ გამარჯვების შემთხვევაში ქვეყნის ევროკავშირიდან გასვლის შესახებ რეფერენდუმს ჩაატარაებს.
მარინ ლე პენი რუსეთისადმი და მისი ლიდერისადმი სიმპათიას ღიად აფიქსირებს.
რამდენიმე კვირის წინ კი, „ეროვნული ფრონტის“ ლიდერი ვიზიტით რუსეთში იმყოფებოდა, რომლის ფარგლებში რუსეთის პრეზიდენტს ვლადიმირ პუტინსაც შეხვდა.
საფრანგეთში საპრეზიდენტო არჩევნების მეორე ტური 7 მაისს გაიმართება.
მონიკა დავლიანიძე