უახლესი ამბები
- 08.05.2024 18:16არ შეიძლება `ქართული ოცნება` იდგეს ამ ზარების უკან, გამორიცხულია, შეურაცხყოფაა - გია ვოლსკი
- 08.05.2024 16:44ხელისუფლებას ისეთი ტემპი აქვს აკრეფილი საკუთარი თავის დასრულების ამ შემოდგომაზე, ერთადერთი იმაზე ვნერვიულობ, შემოდგომამდე მშვიდად მივიდეთ - იაგო ხვიჩია
- 08.05.2024 16:34ასე გამოიყურება ავტორიტარიზმი, სირცხვილი „ქართულ ოცნებას“ - მირიამ ლექსმანი
- 08.05.2024 14:59არა რუსულ კანონს! - 11 მაისს, 16:00 საათზე, თბილისში მშობლების მარში გაიმართება
- 08.05.2024 14:53საზოგადოებამ მორალურად უნდა შეაფასოს ადამიანები, რომლებიც ჩართული არიან, მათ შორის ფაშისტური ხასიათის კამპანიებში, როცა ადამიანებზე მიმდინარეობს მორალური ტერორი, ბულინგი - შალვა პაპუაშვილი
- 08.05.2024 12:43მივმართავ სუს-ის უფროსს, ლილუაშვილს, ასევე, კობახიძეს: ჩაშალეთ რევოლუციური სცენარის მცდელობა, გაიწვიეთ “რუსული კანონი!” - პაატა მანჯგალაძე
- 08.05.2024 12:33„ქართულ ოცნებას“ ახლა სუს-იც უერთდება და მტკიცებულებების გარეშე ამბობს, რომ დასავლეთიდან შემოსული ფულით კეთდება თურმე აქ გადატრიალება - თეონა აქუბარდია
არქივი
ეკონომიკა
„გაზპრომთან“ გაფორმებულ ხელშეკრულების ასლი ენერგეტიკის სამინისტროში დაცული არ არის - ირმა ინაშვილი
პარლამენტის თავმჯდომარის მოადგილემ და ფრაქცია „საქართველოს პატრიოტების“ წევრმა, ირმა ინაშვილმა პრესკონფერენციაზე, „გაზპრომთან“ გაფორმებულ ხელშეკრულებასთან დაკავშირებით ენერგეტიკის სამინისტროსთვის მის მიერ გაგზავნილი წერილის პასუხი გაასაჯაროვა.
როგორც ირმა ინაშვილმა განაცხადა, მიღებული პასუხიდან ირკვევა, რომ ენერგეტიკის სამინისტროში ხელშეკრულების ასლი დაცული არ არის და არც ის ჩანს, თუ ვინ მოაწერა ხელშეკრულებას ხელი ქართული მხრიდან.
„მე მივმართე ენერგეტიკის სამინისტროს და მოვითხოვე კონტრაქტის ასლი და პასუხი მივიღეთ შემდეგნაირი, რომ ენერგეტიკის სამინისტროს აღნიშნული წერილით მოთხოვნილი ინფორმაციის მოწოდება არ შეუძლია. კერძოდ, შპს „გაზპრომ-ექსპორტთან“ დადებული ხელშეკრულების ასლი არ არის დაცული სამინისტროში“,-განაცხადა პარლამენტის თავმჯდომარის მოადგილემ.
პარტია „პატრიოტთა ალიანსის“ ერთ-ერთი ლიდერის, დავით თარხან-მოურავის განმარტებით, ენერგეტიკის სამინისტროდან მიღებული წერილიდან ჩანს, რომ რუსეთის მხრიდან ხელშეკრულებას შპს „გაზპრომ-ექსპორტმა“ მოაწერა ხელი, ხოლო, რადგან ხელშეკრულების ასლი სამინისტროში დაცული არ არის, უცნობი რჩება ვინ მოაწერა ხელი ხელშეკრულებას საქართველოს მხრიდან. მისივე თქმით, ეს შეიძლება იყოს რომელიმე შპს, რომელიც „რაღაც უფლებამოსილებით, ვიღაცამ აღჭურვა, თუმცა ესეც უცნობია“.
დავით თარხან-მოურავმა აღნიშნა, რომ ერთადერთი რისი დადგენაც მათ საკუთარი არხებით მოახერხეს, ეს გაზის სატრანზიტო ფასია, რომელიც ახალი ხელშეკრულებით სამჯერ ნაკლებია.
„როგორც ჩვენ დავადგინეთ, სატრანზიტო ღირებულების ფასი, თუ ჩვენ გადავიანგარიშებთ ას კილომეტრს ათას კუბომეტრზე, ასეთი ფორმულით ხდება ანგარიში, არის 2 დოლარი და 70 ცენტი, მაშინ როდესაც ვიღებდით 8 დოლარს და 41 ცენტს. ეს არის სამჯერ ნაკლები თანხა“, - განაცხადა დავით თარხან-მოურავმა.
მისივე თქმით, ეს ეკონომიკური კუთხით ძალიან წამგებიანი ხელშეკრულებაა და ზარალი ყოველწლურად 30 მილიონ დოლარზე მეტი იქნება.
პარტია „პატრიოტთა ალიანსის“ ლიდერის განცხადებით, ამ ხელშეკრულებას თან ახლავს მეორე პრობლემაც, რომელიც შაჰ-დენისის გაზსადენს უკავშირდება.
დავით თარხან-მოურავის თქმით, შპს „გაზპრომ-ექსპორტთან“ დადებული ხელშეკრულება გახდება პრეცენდეტი და აქედან გამომდინარე, აზერბაიჯანულმა მხარემ შეიძლება სატრანზიტო ტარიფზე გადასვლა მოითხოვოს.