არქივი
სამართალი
გელა ხვედელიძე დაზარალებულად ცნეს
შს მინისტრის ყოფილი მოადგილე, გელა ხვედელიძე დაზარალებულად ცნეს.
ინფორმაციას ხვედელიძის მეგობარი, ჟურნალისტი ელისო კილაძე ავრცელებს.
,,გელა ხვედელიძე როგორც იქნა დაზარალებულად ცნეს,მაგრამ მეხუთე დღეა ადვოკატს საქმის მასალების გაცნობის საშუალებას არ აძლევენ.
გამომძიებელს აქვს სისხლის სამართლის საქმეო და გამომძიებელი ნიკა თავხელიძე გასტროლებზეა ?! არც აღდგომამდე იყო სამსახურში და არც დღესაა.
ბალასტის დირექტორი,ალოო !!!
ჩამოგემხო სისტემა თავზე !!!!! რას ფიქრობ,რამდენ ხანს დამალავთ საქმეს ?!’’ - წერს ელისო კილაძე ფეისბუქის პირად გვერდზე.
შეგახსენებთ, რომ გელა ხვედელიძეს 3 აპრილს საკუთარი სახლის წინ 2 ახალგაზრდა თავს დაესხა. ყოფილ მაღალჩინოსანს თავის არეში 2 გადაუდებელი ოპერაციის ჩატარება დასჭირდა.
გელა ხვედელიძეზე თავდასხმის ფაქტზე გამოძიება „საქართველოს სისხლის სამართლის კოდექსის“ 117-ე მუხლით მიმდინარეობს, რაც სხეულის განზრახ მძიმე დაზიანებას გულისხმობს.
ნინო ექვთიმიშვილი