სამართალი

ისინი მე არ დამიხოცავს, ორი უცხოელი მამაკაცი იყო და მათ დახოცეს - მალხაზ კობაური

ცოლ-ქმრისა და 4 წლის ბავშვის მკვლელობაში ბრალდებულის, მალხაზ კობაურის განცხადებით, სმიტების ოჯახის წევრები მას არ მოუკლავს და „იქ ორი უცხოელი მამაკაცი იყო“.

ხადას ხეობაში მომხდარი მკვლელობის შესახებ განცხადება ბრალდებულმა მცხეთის სასამართლოში მიმდინარე პროცესზე გააკეთა.

„ისინი მე არ დამიხოცავს. ორი უცხოელი მამაკაცი იყო და იმათ დახოცეს. მე დამემუქრნენ, რომ ოჯახს ამომიწყვეტდნენ“, - განაცხადა კობაურმა.

მალხაზ კობაურს ბრალი ოფიციალურად გუშინ წარედგინა. ამ წუთებში კი სასამართლო მისთვის აღკვეთის ღონისძიების შეფარდებაზე მსჯელობს.