საზოგადოება

ლევან ყიფიანზე ძალიან გაბრაზებული ვარ, როგორ იყო ეს კაცი მინისტრი - ბიძინა ივანიშვილი ლევან ყიფიანზე

„ლევან ყიფიანზე ძალიან გაბრაზებული ვარ, როგორ იყო ეს კაცი მინისტრი“, – ამის შესახებ „ქართული ოცნების“ თავმჯდომარემ ბიძინა ივანიშვილმა რამდენიმე ტელეკომპანიის ჟურნალისტებთან შეხვედრის დროს განაცხადა.

ივანიშვილმა აღნიშნა, რომ განცხადებები, რასაც ლევან ყიფიანი აკეთებს, ისეთივე სანდოობას იწვევს, როგორც „ომეგასთან“ დაკავშირებული ჩანაწერები.

„ლევან ყიფიანზე ძალიან გაბრაზებული ვარ, როგორ იყო ეს კაცი მინისტრი. ჩემი დანიშნულია. ვთქვა, რომ ცუდად ასრულებდა მოვალეობას, ვერ ვიტყვი და ამის მაგალითებიც არ არსებობს, მაგრამ ის განცხადებები, რასაც აკეთებს, თუნდაც პროკურატურაში, ისეთივე სანდოობას იწვევს ჩემში, როგორც „ომეგასთან“ დაკავშირებული ჩანაწერები. უაღრესად გაღიაზიანებული და გაბრაზებული ვარ, რას აკეთებს, რას ჰყვება, რას ლაპარაკობს ან ამ ინტერვიუში, რაც აბსოლუტურად არ არის შესატყვისობაში რეალობასთან. ყიფიანს არ ჰქონდა იმის საშუალება, რომ ჩემთან ევლო ან ფარცხალაძეს და მაგათი ჩხუბები მე მერჩია? როგორც წარმოგიდგენიათ ახლა, რომ ვიღაც რაღაც ბიზნესში რაღაცაზე წაეკიდნენ, მორბიან ჩემთან და ეს საქმეები ვარჩიო?“, – განაცხადა ივანიშვილმა.