უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
მოზაიკა
ლიტერატურული კონკურსი „წერო“ - გინდა წერო? უნდა წერო! დაჯილდოების ცერემონია გაიმართება
15 დეკემბერს, 19:00 საათზე, მწერალთა სახლში, ლიტერატურული კონკურსის, „წეროს“ დაჯილდოების ცერემონია გაიმართება.
კულტურის სამინისტროს ინფორმაციით, კონკურსი „წერო 2017“, 8 ნოემბერს დაიწყო. 5–10 გვერდამდე ნაწარმოების გამოქვეყნება ელექტრონული წიგნების მაღაზია lit.ge–ის ვებ–გვერდზე, ნებისმიერ მსურველს, 29 ნოემბრამდე შეეძლო. სულ, გამოქვეყნდა 300 -მდე ნაწარმოები.
კონკურსის მეორე ეტაპზე, ჟიურის წევრების მიერ შერჩეული 18 ნაწარმოები განთავსდა ვებ–გვერდზე lit.ge და მკითხველს ორი კვირის განმავლობაში მათი შეფასების შესაძლებლობა ჰქონდა. შეფასებები დაფარული იყო სხვა მკითხველებისთვის.
დაჯილდოების ცერემონიალზე, მკითხველის შეფასებების საფუძველზე, გამოვლინდებიან კონკურსის I, II და III ადგილის მფლობელები. მათ შესაბამისად გადაეცემათ 4000 ლარი და კონკურსის სიმბოლო – ვერცხლის წერო, 2000 ლარი და 1000 ლარი. საკუთარ რჩეულებს დაასახელებს საქართველოს კულტურისა და ძეგლთა დაცვის სამინისტრო და მათ სიგელებს და პრიზებს გადასცემს სამინისტროს წარმომადგენელი. ტრადიციულად, დასახელდება ჟიურის რჩეული ნაწარმოებიც.
დაჯილდოებაზე წარმოდგენილი იქნებ „წერო 2017“–ის ფინალში გასული მოთხრობების კრებული. კრებულის გადმოწერა შესაძლებელი იქნება ელექტრონული სახითაც ვებ–გვერდზე www.lit.ge.
სხვადასხვა დროს, „წეროს“ გამარჯვებულები არიან:
2006წ. - ვანო ჩხიკვაძე (პროზა);
2007წ. - ნათია ნაცვლიშვილი (პოეზია);
2007წ. - ბაჩო კვირტია (პროზა);
2008წ. - დიანა ანფიმიადი (პოეზია);
2008წ. - ირმა ტაველიძე (პროზა);
2010წ. - მარი ბექაური (პროზა);
2014წ. - ნათია როსტიაშვილი (პროზა);
2015წ. - ლია ლიქოკელი (პროზა);
2016წ. - მიშა ბახსოლიანი (პროზა).
ლიტერატურული კონკურსის „წერო“ ორგანიზატორები არიან – ელექტრონული წიგნების მაღაზია “Lit.ge” და ფარმაცევტული კომპანია GPC. მხარდამჭერი – საქართველოს კულტურისა და ძეგლთა დაცვის სამინისტრო და საქართველოს მწერალთა სახლი.