მოზაიკა

მამაკაცის ქცევის 10 უცნაური მაგალითი და მათი განმარტება

წარმოგიდგენთ, მამაკაცების ერთი შეხედვით უცნაური ქცევის 10 ტიპურ მაგალითს და განმარტებას, თუ რას ნიშნავს ეს ქმედებები რეალურად.

რა თქმა უნდა, ცხოვრების სირთულეებიდან გამომდინარე ურთიერთობებზე მრავალი რამ შეიძლება მოქმედებდეს და აქედან გამომდინარე, ხსენებული მაგალითები არ უნდა განვიხილოთ აქსიომად, თუმცა ძირითად შემთხვევებში მამაკაცების საქციელი სწორედ შემდეგნაირად აიხსნება:

როდესაც ის მოულოდნელად გწერთ დიდი ხნის შესვნების შემდეგ:

მას სურს ყურადღება. ზოგჯერ მამაკაცებს უბრალოდ წყურვილი აქვთ ქალის ყურადღების და ყველაზე მარტივი გზაა ამ დროს, გააზგავნონ ისეთი მესიჯი, რომელიც პასუხს საჭიროებს.

როდესაც ქალი პასუხობს მის შეკითხვას, თუმცა მამაკაცი აღარ აგრძელებს მის მიერვე დაწყებულ საუბარს:

მას უბრალოდ იმაში დარწმუნება სჭირდებოდა, რომ კიდევ გახსოვთ, მას არ სჭირდება რაიმეს ხელახლა ინიცირება, თუმცა თქვენი პასუხით იმაში კი რწმუნდება, რომ მის ერთ-ერთ ვარიანტად რჩებით.

როდესაც თქვენთან რეგულარული მიმოწერა აქვს, თუმცა შეხვედრას არ გთავაზობთ:

მას მოსწონხართ იმ დონემდე, რომ უბრალოდ თქვენთან მიმოწერით დაკმაყოფილდეს. ის ვერ ხედავს თქვენთან მომავალს და ვერ გრძნობს ,,ქიმიას“, თუმცა მიმოწერაში ფლირტზე უარს არ ამბობს.

როდესაც მამაკაცი ცივდება ქალის მიმართ რამდენიმე კარგად ჩავლილი პაემნის შემდეგ:

შენ მის ცხოვრებაში ერთადერთი ქალი არ ხარ. შესაძლოა, ის იმ პერიოდშიც კი გხვდებოდათ, როცა ნაჩხუბარი იყო თავის შეყვარებულთან. თუ შენ არაფერი ,,არ დაგიშავებია“ და მამაკაცი უმიზეზოდ გაცივდა შენ მიმართ, იგნორირებას უკეთებს შენს შეტყობინებებს ან ზარებს, ან თავი ისე უჭირავს, თითქოს მუდამ დაკავებულია, უნდა ივარაუდოდ, რომ მას სხვა ჰყავს (თუმცა, რა თქმა უნდა, ეს არ არის აქსიომა).

როდესაც ის მაშინ აქტიურდება, როდესაც სხვა მამაკაცთან შეგნიშნავთ:

მას ნადირობის პროცესი უფრო მოსწონს, ვიდრე ნანადირევით ტკბობა. მას უნდა საკუთარი თავისთვის იმის დამტკიცება, რომ ნებისმიერი ქალის ხელში ჩაგდება შეუძლია.

როდესაც გეუბნებათ, რომ მხოლოდ მეგობრობა სურს თქვენთან, მაგრამ აგრძელებს ფლირტს:

მას ჯერ კიდევ სურს, ერთ-ერთ ვარიანტად დაგიტოვოთ, თუმცა ამ ფრაზით გეუბნებათ, რომ არ აინტერესებს თქვენთან სერიოზული ურთიერთობა. ის ფიქრობს, რომ თქვენთან ფლირტი გაუმარტივდება, თუ წინასწარ გაგაფრთხილებთ, რათა სერიოზულ ურთიერთობაზე იმედი არ გქონდეთ.

როდესაც ის გირეკავთ გვიან ღამით ან სურს, რომ მხოლოდ სახლში შეხვდეთ ხოლმე:

მას აინტერესებთ მხოლოდ ფიზიკურ დონეზე და ვერ ხედავს აზრს, ხარისხიანად გაატაროს თქვენთან დრო და უფრო სიღრმისეულად გაგიცნოთ. შენ მისთვის ,,გოგონა გამოძახებით“ ხარ.

როდესაც ის გწერთ კიდეც და გხვდებათ კიდეც, თუმცა ღირსშესანიშნავი თარიღების დროს იკარგება ( დაბადების დღე, ქალთა დღე, 14 თებერვალი...)

მას არ სურს თქვენთან დღესასწაულების აღნიშვნა, რადგან თქვენი ურთიერთობისთვის რაიმე სტატუსის მინიჭებას ერიდება.

როდესაც თქვენთან კარგად ერთობა, ხუმრობები მოსწონს და სოციალურ ქსელებში გიგზავნით ძირითადად სწორედ იუმორისტული შინაარსის ვიდეოებსა და ფაილებს:

მას უბრალოდ მხიარულება და დროის გაყვანა სურს და მოსწონს შენთან ამ კუთხით ურთიერთობა. ეს არ ნიშნავს, რომ ის დაინტერესებულია სერიოზული ურთიერთობით ან სიღრმისეული თემების განხილვით. შენ უბრალოდ მისთვის განტვირთვა ხარ.

როდესაც მამაკაცი გეუბნებათ, რომ არ არის მზად სერიოზული ურთიერთობებისთვის, თუმცა აღნიშნავს, რომ ,,მომავალში არავინ იცის, რა შეიძლება მოხდეს:“

ამ დროს მამაკაცი ან მართლაც მზად არაა სერიოზული ურთიერთობისთვის ან ,,ერთადერთად“ არ განგიხილავთ. ასეთი საუბრებით ის ცდილობს, გული არ გატკინოთ და არ მოგცეთ ცრუ იმედი. ნებისმიერ შემთხვევაში, არ დაიწყოთ იმის ლოდინი, როდის იქნება მზად.

უბრალოდ, იპოვეთ მამაკაცი, რომელიც არ გაიძულებთ იმტვრიოთ ტვინი, რას ნიშნავს მისი საქციელი!