უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მესამე სექტორმა საკონსტიტუციო ცვლილებების საპარლამენტო განხილვებს ბოიკოტი გამოუცხადა
14-მა არასამთავრობო ორგანიზაციამ ბოიკოტი გამოუცხადა საკონსტიტუციო ცვლილებებსა და მის საპარლამენტო განხილვებს. მათი უკმაყოფილება გამოიწვია საპარლამენტო უმრავლესობის გადაწყვეტილებამ, რომლის თანახმად, საარჩევნო სისტემა შერეულიდან პროპორციულზე არა 2020 წელს, არამედ 2024 წელს გადავა.
მესამე სექტორი საპარლამენტო უმრავლესობას არათანმიმდევრულობაში ადანაშაულებს და საკონსტიტუციო განხილვებს „თვალთმაქცობას“ უწოდებს.
„ვხედავთ, რომ ჩვენს რეკომენდაციებს, ჩვენს პოზიციებს, სამწუხაროდ, არსებითი შედეგი არ მოჰყოლია. სამწუხაროდ, ჩვენ ვნახეთ, რომ შეთანხმებული პოზიციები შემდეგ გადაითქვა და ვნახეთ, რომ მმართველი პარტია პრაქტიკულად, ერთი პარტიის შიგნით, დახურულ კარს მიღმა იღებს გადაწყვეტილებას ბოლო მომენტში კონსტიტუციასთან დაკავშორებით და ეს არის ისეთი გადაწყვეტილებები, რომელიც სრულიად მიუღებელია ამ ქვეყნის საზოგადოების ძალიან დიდი ნაწილისთვის.
ამიტომ, რადგან ვხედავთ, რომ ჩართულობის შედეგად პოზიტიური ცვლილებები არ ხდება, მივიჩნევთ, რომ ეს კონსტრუქციული დიალოგის პროცესი პრაქტიკულად არის ფარსი და თვალთმაქცობა იმისთვის, რომ ინკლუზიურობის ილუზია შეიქმნას, მაგრამ, სინამდვილეში, სამწუხაროდ, ვერ ვხედავთ ამ ყველაფერის შედეგს. ამის გამო, აღარ გვაქვს სურვილი და ვერ ვხედავთ აზრს იმისა, რომ გავაგრძელოთ ხელისუფლებასთან დისკუსია საკონსტიტუციო რეფორმაზე“, - განაცხადა „სამართლიანი არჩევნების“ დირექტორმა მიხეილ ბენიძემ დღევანდელ ბრიფინგზე.
ანა მებურიშვილი