მოზაიკა
მეცნიერებმა მკერდის კიბოს რისკის ძილის რეჟიმთან კავშირი დაადგინეს
ბრიტანელმა მეცნიერებმა ბრისტოლის უნივერსიტეტიდან დაადგინეს, რომ ქალები, რომლებიც ადრე იღვიძებენ და ადრე წვებიან დასაძინებლად 40-48 %-ით ნაკლებად ემუქრებათ მკერდის კიბოს განვითარება იმ ქალებთან შედარებით, ვინც გვიან იღვიძებს და გვიან იძინებს.
კვლევის ჩასატარებლად სპეციალისტებმა 400 ათასზე მეტი ქალის გენეტიკური ინფორმაცია შეისწავლეს.
მეცნიერებმა ძილთან დაკავშირებული ასპექტების გავლენა მკერდის კიბოს განვითარების რისკზე სხვა მავნე ჩვევებისგან (მაგალითად, თამბაქოს ან ალკოჰოლის მოხმარება) დამოუკიდებლად გამოიკვლიეს.
ტესტის შედეგებმა აჩვენა, რომ ღამით გვიან დაძინების მოყვარული 100 ქალიდან 2-ს მკერდის კიბო ჰქონდა, მაშინ როცა მეორე კატეგორიის ჯგუფში 100 ქალიდან მხოლოდ ერთს დაუდგინდა ეს დაავადება.
მეცნიერებმა ასევე დაადგინეს, რომ სარგებლის მომტანი არც ზედმეტი ძილია. მათი მტკიცებით, ქალებს, რომლებსაც რეკომენდებულ 7-8 მეტხანს ძინავთ, მკერდის კიბოს განვითარების რისკი 20 %-ით ეზრდებათ.