უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
საზოგადოება
მწერალი როსტომ ჩხეიძე ილია ჭავჭავაძის ეროვნული პრემიით დააჯილდოვეს
მწერალი როსტომ ჩხეიძე ილია ჭავჭავაძის ეროვნული პრემიით დაჯილდოვდა.
მწერალს ჯილდო ილია ჭავჭავაძის საქველმოქმედო ფონდმა მთაწმინდის პანთეონში გადასცა.
ილია ჭავჭავაძის ჯილდოს მფლობელი პირველად შარშან გამოვლინდა და მისი ერთადერთი ლაურეატი საქართველოს პატრიარქი ილია მეორე იყო.
,,მივიღეთ ეს გადაწყვეტილება, მივანიჭოთ წლევანდელი ილია ჭავჭავაძის პრემია ჩვენს ძვირფას მეგობარს, მწერალს, საზოგადო მოღვაწეს, ბატონ როსტომ ჩხეიძეს“, - განაცხადა კონსტანტინე გამსახურდიამ როსტომ ჩხეიძისთვის ჯილდოს გადაცემისას.
მწერალს ეროვნული პრემია საზოგადოებისათვის გაწეული ღვაწლისთვის გადაეცა.
,,უნდა გეყუდნეს სახელმწიფოებრივად მოაზროვნე ადამიანები, უნდა გწამდეს ეროვნული ენერგიისა, უნდა გწამდეს ძლიერი საქართველოსი ძლიერ კავკასიაში - აი, ეს არის ილია და არა მარტო ის ,,გვეყუდნეს“. საუკუნის წინათაც ,,გვეყუდნოდა“ და თავზე დაგვემხო, იმიტომ, რომ არასახელმწიფობრივად მოაზროვნე და არაეროვნულად მოაზროვნე ხალხი აღმოჩნდა სათავეში.
ყველაფერი წერია ილიასთან. მარტო ილიას სახელს კი არ უნდა გავიძახოდეთ, ილია უნდა წავიკითხოთ, ილია უნდა გავითვალისწინოთ და ის უზარმაზარი ტვირთი, რომელსაც მიეზიდებოდა ილია ჭავჭავაძე, ჩვენ გადავინაწილოთ’’, - განაცხადა როსტომ ჩხეიძემ დაჯილდოების ცერემონიაზე.
,,დღე, როცა ვერ მოჰკლეს ილია“ - ასე ჰქვია ღონისძიებას, რომელიც სიონის საკათედრო ტაძრიდან დაიწყო და ილიას სახლ-მუზეუმში დასრულდა. მსვლელობა ილია ჭავჭავაძის საქველმოქმედო ფონდისა და საზოგადოებრივი გაერთიანება ,,ეროვნული იმპერატივის“ მიერ ჩატარდა. ორგანიზატორების თქმით, ინიციატივის მიზანია ილია ჭავჭავაძის საზოგადოებრივი და სახელმწიფოებრივი მოღვაწეობის მეტი პოპულარიზაცია.
,,ძალიან კარგი ფაქტია, რომ ახალმა თაობამ იტვირთა ესტაფეთა ეროვნული აზრის, ეროვნული მოღვაწეობის, ეროვნული ბრძოლის.
ბატონი როსტომი - ეს არის თვალსაჩინო მწერალი, ბიოგრაფიების მკვლევარი. მან ძალიან ბევრი მნიშვნელოვანი ქართველი მოღვაწის, ბიოგრაფია დაწერა და გახადა პოპულარული“, - განაცხადა კონსტანტინე გამსახურდიამ.
ილია ჭავჭავაძე 12 სექტემბერს წიწამურის გზაზე 111 წლის წინ მოკლეს. ამ დღესთან დაკავშირებული ყველა აქტივობა ღია ცის ქვეშ საჯარო სივრცეებში განხორციელდა.
ღონისძიების ფარგლებში მთაწმინდის პანთეონში მწერლებმა, პოეტებმა და მსახიობებმა ილია ჭავჭავაძისადმი მიძღვნილი ლექსები წაიკითხეს.
,,შემიძლია ვთქვა ძალიან დიდი სიხარულით, რომ წელს, უკვე მეოთხე წელია, გვაქვს სოციალური ნაწილი, ჩამოგვყავს შიდა ქართლიდან დევნილი მოზარდები.
წელს, მით უმეტეს, აგვისტოს ომის 10 წლისთავია და განსაკუთრებული მნიშვნელობა აქვს მათ აქ ყოფნას, მათი სახელმწიფოებრივი ღირებულებებისათვის ზიარების მცდელობას “, - განაცხადა ღონისძიების ერთ-ერთმა ორგანიზატორმა, რეჟისორმა გიორგი სავანელმა.
ღონისძიება თბილისში წელს უკვე მეხუთედ ტარდება. მსვლელობაში მონაწილეობა ტრადიციულად საქართველოს ოკუპირებული ტერიტორიებიდან დევნილმა ახალგაზრდებმა მიიღეს.