სამართალი
მუსტაფა ემრე ჩაბუკის ადვოკატმა დევნილთა სამინისტროს დამატებითი დოკუმენტაცია მიაწოდა
„დემირელის“ სკოლის მენეჯერისა და პედაგოგის მუსტაფა ემრე ჩაბუკის ადვოკატმა სოსო ბარათაშვილმა, ლტოლვილთა და განსახლების სამინისტროს, ჩაბუკის საქმესთან დაკავშირებით, დამატებითი დოკუმენტაცია მიაწოდა.
კერძოდ, 260-გევრდად აკინძულ მტკიცებულებებში საუბარია თურქეთის ციხეებში არსებულ მდგომარეობის შესახებ; საქართველოს სახალხო დამცველისა და სხვადასხვა არასამთავრობო ორგანიზაციების პოზიციაზე; ასევე, ამ მტკიცებულებებში ჩადებული არის თურქულ მედიაში ბოლო პერიოდში გამოქვეყნებული მასალები, რომლებშიც მუსტაფა ემრე ჩაბუკი და მისი ოჯახის წევრები არიან ქვეყნის მტრებად მოხსენიებული, ასევე, საუბარია, რომ მათ შესახებ საქართველოში სიუჟეტები დაკვეთით მზადდებოდა.
„უკანასკნელ პერიოდში თურქეთის ოფიციალური მედიასაშუალებების მიერ ვრცელდება ინფორმაციები, სადაც ბატონი მუსტაფა ემრე ჩაბუკი, მისი მეუღლე, ასევე დემორელის სახელობის სკოლის პედაგოგები მოხსენიებული არიან როგორც მოღალატეები. ასევე, ქართული მედია არის მოხსენიებული უარყოფით კონტექსტში, თითქოს ისინი ამზადებენ, ფულით ამზადებენ რეპორტაჟებს და არიან მოსყიდულნი“,-აღნიშნა სოსო ბარათაშვილმა.
თურქეთის მოთხოვნის საფუძველზე დაკავებული მუსტაფა ემრე ჩაბუკი საქართველოში თავშესაფარს და ლტოლვილის სტატუსს ითხოვს, რომ მისი ექსტრადირება თურქეთში არ მოხდეს.
ამჟამად იგი წინასაექსტრადაციო პატიმრობაში იმყოფება.
მონიკა დავლიანიძე