არქივი
სამართალი
ნიკა გვარამიამ ელენე ხოშტარიას, დავით ბაქრაძის, ნიკა რურუასა და სასულიერი პირის დაკითხვა მოითხოვა
თბილისის სააპელაციო სასამართლოში რუსთავი 2-ის საქმეზე მიმდინარე პროცესზე ტელეკომპანიის გენერალური დირექტორი, ნიკა გვარამია 4 პირის დაკითხვის შუამდგომლობით გამოვიდა.
კერძოდ, ნიკა გვარამია ითხოვდა, მის მიერ დასახელებულ მოსამართლეთა კოლეგიაზე ზეწოლის ფაქტებთან დაკავშირებით დაკითხულიყვნენ: ინფორმაციის პირველი წყარო სასულიერო პირი და ასევე ამ საქმის მოწმეები, ელენე ხოშტარია, დავით ბაქრაძე და ნიკა რურუა.
მოსამართლეთა კოლეგიამ ნიკა გვარამიას აღნიშნული შუამდგომლობა ისევე არ დააკმაყოფილა, როგორც მანამდე მათი აცილების თაობაზე დაყენებული შუამდგომლობები.
შეგახსენებთ, რომ რუსთავი 2-ის გენერალური დირექტორის თქმით, მას მოსამართლეთა კოლეგიაზე ზეწოლის ფაქტთან დაკავშირებით სასულიერო პირისგან მიღებული ინფორმაცია სამმა ადამიანმა მიაწოდა.
,,სასულიერო პირისგან მაქვს ინფორმაცია და ამ ინფორმაციის თანახმად, პირველი შემადგენლობის ერთ-ერთმა მოსამართლემ გაანდო სასულიერო პირს ინფორმაცია იმის თაობაზე, რომ კოლეგიისთვის უკვე ცნობილი იყო გადაწყვეტილება. იგი დაიწერა იუსტიციის სამინისტროში გერმანულ სამართალზე დაყრდნობით, მინისტრ თეა წულუკიანის უშუალო ხელმძღვანელობით და შემადგენლობა იყო ძალიან მძიმე ზეწოლის ქვეშ", - განაცხადა ნიკა გვარამიამ.
ნინო ექვთიმიშვილი