უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
პრეზიდენტის სტატუსი რჩება ზუსტად ისეთი, როგორიც არის განსაზღვრული დღეს მოქმედი კონსტიტუციით - ირაკლი კობახიძე
საკონსტიტუციო ცვლილების შემოთავაზებული რედაქცია გამორიცხავს ძალიან მაღალი უმრავლესობის ჩამოყალიბებას საქართველოს პარლამენტში, გამორიცხავს პრაქტიკულად, საკონსტიტუციო უმრავლესობის ჩამოყალიბებას, - განაცხადა პარლამენტის თავმჯდომარემ, საკონსტიტუციო კომისიის ხელმძღვანელმა ირაკლი კობახიძემ საკონსტიტუციო კომისიის ორი სამუშაო ჯგუფის გაერთიანებულ სხდომაზე.
მისივე თქმით, საკონსტიტუციო კომისიის მიზანი არ ყოფილა პრეზიდენტის სტატუსის და უფლებამოსილების შეზღუდვა, რასაც ადასტურებს საკონსტიტუციო ცვლილების შემოთავაზებული რედაქცია, რომელიც პრეზიდენტს ეხება.
”იყო ბევრი საუბარი იმასთან დაკავშირებით, თითქოს კომისიის მიზანი იყო პრეზიდენტის სტატუსის და უფლებამოსილების შეზღუდვა. სტატუსი რჩება ზუსტად ისეთი, როგორიც არის განსაზღვრული დღეს მოქმედი კონსტიტუციით, ანუ საქართველოს პრეზიდენტი არის სახელმწიფოს მეთაური, უმაღლესი მთავარსარდალი, წარმოადგენს ქვეყანას საგარეო ურთიერთობებში. სტატუსი არ იცვლება, უფლებამოსილების კუთხით კი გვაქვს ცვლილებები იქ, სადაც ამას მოითხოვს იურიდიული ლოგიკა”, - განაცხადა ირაკლი კობახიძემ.
რაც შეეხება პრეზიდენტის არჩევის წესს, როგორც პარლამენტის თავმჯდომარემ განმარტა, პრეზიდენტი არაპირდაპირი წესით იქნება არჩეული.
”პრეზიდენტის არჩევის წესთან დაკავშირებით გვქონდა სერიოზული დისკუსიები კომისიისა თუ სხვა ფორმატებში. წარმოდენილი იქნა უამრავი არგუმენტი, რომელიც მეტყველებს პრეზიდენტის არაპირდაპირი არჩევის უპირატესობაზე იმ სისტემაში, რომელიც წარმოდგენილია და ამას ეფუძნება სწორედ ის ცვლილება, რომელიც შემოთავაზებულია საკონსტიტუციო პროექტით”, - განაცხადა ირაკლი კობახიძემ.
ნინო ექვთიმიშვილი