უახლესი ამბები
- 13.05.2024 18:39`მოერიდეთ პოტენციურად საშიშ ადგილებს` - პოლონეთი საკუთარ მოქალაქეებს აფრთხილებს
- 13.05.2024 18:07აკერმანის სახელმძღვანელოში ამოკითხული პროვოკაციაც შედგა, საბედნიეროდ არა ისეთი, რითაც საბოლოო შედეგზე გადიან-ხოლმე - რატი იონათამიშვილი
- 13.05.2024 17:57არავის ეშინია სანქციების, რას გვაშანტაჟებთ ამ სანქციებით? საერთოდ არ მაქვს არანაირი პრობლემა თუ დამასანქცირებენ - კახა კალაძე
- 13.05.2024 17:31160-მდე შეტყობინებაა შემოსული, აქციაზე დაკავებულთა აბსოლუტური უმრავლესობა ნაცემია - ადვოკატი
- 13.05.2024 16:20მყისიერი შემაკავებელი ზომები ივანიშვილს, კობახიძეს, პაპუაშვილს და სხვებს - ევროპარლამენტარების მიმართვა ჯოზეფ ბორელს
- 13.05.2024 12:43პროტესტი გრძელდება - რუსთაველის გამზირი ისევ გადაკეტილია
- 13.05.2024 12:12საქართველოში ჩამოდის ევროკავშირის ოთხი ქვეყნის საგარეო საქმეთა მინისტრი, მათი მიზანია რადიკალიზმის ზრდა, ხელისუფლებამ უნდა იმსჯელოს, იმსახურებენ თუ არა შემოშვებას -„ხალხის ძალა“
- 13.05.2024 11:25იურიდიულ საკითხთა კომიტეტმა „უცხოური გავლენის გამჭვირვალობის შესახებ“ კანონპროექტს მესამე მოსმენით მხარი დაუჭირა
- 13.05.2024 11:09პოლიციის მხრიდან კვლავ დაფიქსირდა მოქალაქეთა მიმართ განხორციელებული რამდენიმე სავარაუდო არასათანადო მოპყრობის ფაქტი - სახალხო დამცველი
- 13.05.2024 10:5913 მაისს პარლამენტთან სამართალდამცავების მიერ აქციის მონაწილეების მიმართ ძალის გადამეტების ფაქტებზე გამოძიება დაიწყო - სპეციალური საგამოძიებო სამსახური
არქივი
მსოფლიო
რა ხდება ისრაელში და ვინაა პასუხისმგებელი
„ისრაელის სახლი“ აქვეყნებს ისრაელის პოზიციას ამ დღეებში მომხდარ მოვლენებზე. ისრაელზე თავდასხმა ხდება ფესახის დღესასწაულზე, როდესაც ყველა ოჯახის წევრები არიან სახლებში, როდესაც ისრაელში აღინიშნება შოა (კატასტროფა - 6 მილიონი ებრაელის მოსპობა ჰოლოკოსტის წლებში). ტერორი გრძელდება: წინა თვეში ჩახოცეს 2 ძმა, ახლაც - ასევე 2 და მანქანაში 20 წლის აახალგაზრდა.
საგარეო საქმეთა მინისტრ ელი ქოენმა მიმართა გაეროს გენერალურ მდივანს: „საერთაშორისო თანამეგობრობამ უნდა გამოხატოს ერთმნიშვნელოვანი პოზიცია პალესტინის ტერორიზმის წინააღმდეგ, დაგმოს სროლა ლიბანიდან და ღაზადან, დაგმოს ჰამასის და სხვა ტერორისტული ორგანიზაციების ველური წაქეზება და აღიაროს ისრაელის უფლება, როგორც სუვერენული სახელმწიფო, დაიცვას საკუთარი თავი და მისი მაცხოვრებლები“
რა მოხდა ზუსტად?
ექსტრემისტული ელემენტები ცდილობდნენ ტაძრის მთაზე (არ აბაით) მეჩეთის ხელში ჩაგდებას, ადგილის გამაგრებას, ადგილის შეურაცხყოფას და საზოგადოების საფრთხის ქვეშ დაყენებას. ისრაელის პოლიცია, ღვთისმსახურების უსაფრთხო უზრუნველყოფის მიზნით. ცდილობდა, შეეჩერებინა მლოცველთა ძალადობრივი ბარიკადები.
ისრაელი პოზიცია:
1. ამ დღეებში ისრაელის წინააღმდეგ აგრესია განახორციელა ჰამასმა, საპასუხოდ კი ისრაელის თავდაცვის ძალებმა (IDF) შეუტია ღაზას სექტორში ტერორისტული ორგანიზაცია ჰამასის სამხედრო შენაერთებს.
ისრაელს არ უნდა ესკალაცია, მაგრამ ჩვენს წინააღმდეგ აგრესიისთვის მოწინააღმდეგე მნიშვნელოვან ფასს გადაიხდის. ჩვენი სუვერენიტეტის საკითხში კომპრომისს არ დავუშვებთ - ამბობენ ისრაელის მთავრობაში.
2. ჰამასი პასუხისმგებელია ლიბანიდან ისრაელის მიმართულებით გასროლაზე. ისრაელი უპასუხებს ნებისმიერ საფრთხეს.
3. ისრაელის სახელმწიფო მიიჩნევს, რომ ლიბანი პასუხისმგებელია ყველაფერზე, რაც მის ტერიტორიაზე ხდება. ლიბანმა უნდა აიღოს პასუხისმგებლობა და თავიდან აიცილოს მისი ტერიტორიიდან ისრაელის მიმართულებით გასროლა.
4. ისრაელი მუდამ ერთიანი იქნება თავისი უსაფრთხოების საკითხში. ისრაელის მოქალაქეების უსაფრთხოება პრიორიტეტების სიის სათავეშია; ისრაელის შეიარაღებული ძალები და უსაფრთხოების ძალები მზადყოფნის უმაღლეს დონეზე არიან.
პოზიცია ტაძრის მთაზე მომხდარ არეულობებთან დაკავშირებით:
1. ჩვენ არ მივცემთ უფლებას ტაძრის მთაზე აჯანყებულებს შეურაცხყონ მეჩეთი და საფრთხე შეუქმნან საზოგადოებას. პარასკევს დილითაც რამდენიმე ისლამური ექსტრემისტი ცდილობდა ტაძრის მთაზე ძალადობასა და არეულობის მოწყობას. აჯანყებულებმა ქვები დაუშინეს და საფრთხე შეუქმნეს იქ და დასავლეთ კედლის მოედანზე მლოცველ საზოგადოებას. ჩვენ არ დავუშვებთ, რომ ზიანი მიაყენონ ღვთისმსახურებას, საფრთხე შეუქმნან საზოგადოებრივ მშვიდობას და შეურაცხყონ წმინდა ადგილი.
2. აჯანყებულები საფრთხეს უქმნიან მთაზე ლოცვის ჩატარებას; ჩვენ ვიმუშავებთ ღვთისმსახურების თავისუფლების გარანტიის მისაღწევად და საფრთხის შემცველი ფაქტორების აღმოფხვრაზე.
3. მომხდარზე ტერორისტული ორგანიზაციები და ექსტრემისტული ელემენტები ავრცელებენ ჭორებსა და ყალბ პუბლიკაციებს, რათა ბიძგი მისცენ ძალადობას, რისხვას და ხელი შეუშალონ რამადანის რუტინას. ჩვენ გავაგრძელებთ წაქეზების წინააღმდეგ მოქმედებას და არ მივცემთ უფლებას რომელიმე მხარეს, დააზიანოს ტაძრის მთაზე არსებული პრაქტიკა.
4. პოლიცია და უშიშროების სამსახური მიიღებენ ყველა საჭირო ზომას საზოგადოებრივი მშვიდობის შესანარჩუნებლად და ყველა რელიგიის წარმომადგენელთათვის სიმშვიდის რეჟიმის უზრუნველსაყოფად.
5. ისრაელი ინარჩუნებს ღვთისმსახურების თავისუფლებას, რომელიც არსებობს ყველა რელიგიის წარმომადგენელთა წმინდა ადგილებში. ამას მოწმობს ბოლო პარასკევს ტაძრის მთაზე მლოცველთა რაოდენობის გაორმაგება (გასულ პარასკევს 100,000-ზე მეტი ადამიანი).
6. ფესახის დროს ისრაელელები და ტურისტები წინასწარ განსაზღვრულ დროს ადიან ტაძრის მთაზე. ეს ტრადიცია მრავალი წელია არსებობს. შაბათ-კვირას მთაზე არ არის ვიზიტები.
7. იერუსალიმი - ისრაელის დედაქალაქი რწმენის თავისუფლების სიმბოლოა, ქალაქი ამ დროს არის სამი რელიგიის წმინდა დღეებისა და ცერემონიების ცენტრი: ფესახი, აღდგომა და რამადანის თვის ლოცვა.
8. ფესახი წესრიგის დაცვის მიზნით და უსაფრთხოების სისტემის რეკომენდაციების შესაბამისად, გადაწყდა დღესასწაულის საღამოდან შაბათამდე იეუდა და სამარიაში და ღაზას სექტორში გადასასვლელების დაკეტვა. ტაძრის მთაზე პალესტინელების შესვლა, მსგავსად რამადანის დასაწყისისა, პარასკევს დაშვებული იყო.