მოზაიკა

რონალდუ ფეხბურთის ისტორიაში ყველაზე ძვირადღირებული ფეხბურთელი გახდა

ესპანეთის საფეხბურთო კლუბ „რეალის“ პორტუგალიელი თავდამსხმელი ქრიშტიანუ რონალდუ, კლუბთან ახალი კონტრაქტის გაფორმების შემდეგ, ფეხბურთის ისტორიაში, ყველაზე ძვირადღირებული ფეხბურთელი გახდა.

ბრიტანული გაზეთის The Sun-ის ინფორმაციით, 7 ნოემბერს, რონალდუმ „რეალთან“ ახალი 5-წლიანი კონტრაქტი გააფორმა.

გამოცემის ინფორმაციით, ამიერიდან ფეხბურთელის წლიური ანაზღაურება 45 მილიონ ევროს შეადგენს. შესაბამისად, რონალდუს 5- წლიანი კონტრაქტის მიხედვით, იგი 225 მილიონ ევროს გამოიმუშავებს.

აქამდე, მსოფლიოს ყველაზე ძვირადღირებული ფეხბურთელის სტატუსს, „ბარსელონას“ არგენტინელი თავმდამსხმელი ლეონელ მესი ფლობდა, რომლის წლიური ანაზღაურება 40 მილიონ ევროს შეადგენდა.

მონიკა დავლიანიძე