მსოფლიო

რუსეთის უშიშროების სამსახური: რუსმა ძალოვანებმა მოსკოვში ტერაქტების სერიის არიდება მოახერხეს

რუსმა ძალოვანებმა, მოსკოვის სამხრეთ-დასავლეთით მდებარე ერთ-ერთი მრავალსართულიანი სახლის მეათე სართულზე მდებარე ბინიდან, ასაფეთქებელი მოწყობილობა ამოიღეს და გააუვნებელყვეს.

ოპერაციის დროს არავინ დაშავებულა. ძალოვანებმა სახლიდან 145 ადამიანის ევაკუაცია მოახდინეს, აქედან 19 ბავშვი იყო, - წერს რუსული მედია.

როგორც რუსეთის უშიშროების სამსახურმა განაცხადა, მათ დივერსიიულ-ტერორისტული ჯგუფის სამომავლო ქმედება აღკვეთეს.

მათივე თქმით, ჯგუფის ოთხი წევრი, რომელიც სამი ტაჯიკეთის მოქალაქეა და ერთი მოლდოვეთის, დაკავებულია.

„დივერსიულ-ტერორისტული ჯგუფის ქმედება აღიკვეთა. მათ შეამდგენლობაში ტაჯიკეთის მოქალაქეები და მოლდოვეთის ერთი მოქალაქე შედიოდა. ისინი მოსკოვში რეზონანსული ტერაქტების სერიის განხორციელებას გეგმავდნენ. ამისთვის კი, დიდი ოდენობით თვითნაკეთი ასაფეთქებელი მოწყობილობების გამოყენებას აპირებდნენ. ტერაქტები თურქეთში მყოფი „ისლამური სახელმწიფოს“ ემისარის მითითებით უნდა განხორციელებულიყო“,-განაცხადეს რუსეთის უშიშროების სამსახურში.

მონიკა დავლიანიძე