პოლიტიკა

სამწუხაროდ, ის კანონპპროექტი, რომელსაც ვიხილავთ, არის ნულოვანი კონსენსუსის მატარებელი - პრეზიდენტი

საქართველოს პრეზიდენტის, გიორგი მარგველაშვილის განცხადებით, კონსტიტუციის ახალი რედაქცია არ გამოხატავს საყოველთაო კონსენსუსს. ამის შესახებ პრეზიდენტმა ბათუმში, საყოველთაო-სახალხო განხილვაზე განაცხადა.

მარგველაშვილი იმედოვნებს, რომ საზოგადოებრივი ჩართულობით შესაძლებელია ამ ხარვეზის გამოსწორება.

„მართლაც გამოჩნდა, რამდენს აღელვებს ის უზენაესი კანონი, რომლითაც გავაგრძელებთ ცხოვრებას. ერთ-ერთი რეპლიკა იყო საინტერესო, რომ აჭარაში 400 000 კაცი ცხოვრობს და 200-კაციან დარბაზში ვერ იქნება ასახული ხალხის ხმაო. ამ ცხარე დისკუსიიდან ვასკვნი, რომ რაც შეიძლება მეტად უნდა გავშალოთ დისკუსიები, ყველა სოფელში, ყველა ქალაქში, ეს დისკუსია უნდა მიმდინარეობდეს და აზრთა ჭიდილი მიგვიყვანს მთავარ ეტაპამდე - კონსენსუსამდე. კონსტიტუცია არის საყოველთაო კონსენსუსის დოკუმენტი. სამწუხაროდ, ის კანონპროექტი, რომელსაც ვიხილავთ, არის ნულოვანი კონსენსუსის მატარებელი, მაგრამ საზოგადოების ჩართულობით შეგვიძლია მივაღწიოთ უფრო მაღალ კონსენსუსს და ასეთი აქტიური დარბაზები მე ამის იმედს მაძლევს“, - განაცხადა პრეზიდენტმა.

ანა მებურიშვილი