უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
საქართველოს საპარლამენტო დელეგაცია ევროპის საბჭოს საპარლამენტო ასამბლეის სასესიო და საკომიტეტო მუშაობაში მონაწილეობს
საქართველოს საპარლამენტო დელეგაცია, პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით, სტრასბურგში იმყოფება, სადაც ევროპის საბჭოს საპარლამენტო ასამბლეის სასესიო და საკომიტეტო მუშაობაში იღებს მონაწილეობას. ეს, 2016 წლის საპარლამენტო არჩევნების შემდეგ, სტრასბურგში საქართველოს პარლამენტის ევროპის საბჭოს საპარლამენტო ასამბლეაში მუდმივმოქმედი დელეგაციის პირველი ვიზიტია.
თამარ ჩუგოშვილის განცხადებით, ევროპის საბჭოს საპარლამენტო ასამბლეის ზამთრის სესია განსაკუთრებით მნიშვნელოვანია ქართული დელეგაციისთვის, რადგან დელეგაციის განახლებულ შემადგენლობას შესაძლებლობა აქვს საბჭოს წარმომადგენლებთან აქტიური თანამშრომლობა დაიწყოს. პარლამენტის თავმჯდომარის პირველი მოადგილის თქმით, ვიზიტის ფარგლებში გათვალისწინებული შეხვედრები ქართველ დეპუტატებს საგარეო მიმართულებით კავშირების გაღრმავებასა და უცხოელი მეგობრებისთვის საქართველოში განხორციელებული რეფორმების, ასევე ქვეყნის წინაშე მდგარი გამოწვევების შესახებ ინფორმაციის მიწოდებაში დაეხმარება.
„ამ ვიზიტის ფარგლებში გათვალისწინებულია ძალიან მაღალი რანგის შეხვედრები როგორც ევროსაბჭოს აღმასრულებელ მდივანთან, კომიტეტის თავმჯდომარეებთან, ასევე სხვადახვა ქვეყნის დელეგაციებთან. ეს ყველაფერი შესაძლებლობას მოგვცემს, გავაფართოოთ საქართველოს პარლამენტის საგარეო ურთიერთობები, მაქსიმალურად ბევრ ქვეყანას და ბევრ მნიშვნელოვან ადამიანს მივაწვდინოთ ინფორმაცია იმ განვითარებისა და პროგრესის შესახებ, რომელიც ქვეყანას სხვადასხვა მიმართულებით აქვს - ამ შემთხვევაში, დემოკრატიული რეფორმების და ადამიანის უფლებების დაცვის მიმართულებით. ასევე, მივაწოდოთ ინფორმაცია იმ გამოწვევების შესახებ, რომლებიც საქართველოს წინაშე დგას და შესაბამისად, შევძლოთ მათი მობილიზება იმ თემებში, რომლებშიც უცხოელი მეგობრების დახმარება ძალიან გვჭირდება, მაგალითად, ჩვენი ტერიტორიული მთლიანობა, უსაფრთხოება, ეკონომიკური და დემოკრატიული რეფორმები და ა.შ. ამიტომ დელეგაცია ძალიან აქტიურად გეგმავს მუშაობას ამ კვირის განმავლობაში და დარწმუნებული ვარ, რომ მომავალი 4 წლის განმავლობაში საქართველოს პარლამენტის წარმომადგენლობა ამ ასამბლეაში იქნება ძალიან აქტიური, ხარისხიანი და მნიშვნელოვანი შედეგების მიღწევას შეძლებს“, - განაცხადა პარლამენტის თავმჯდომარის პირველმა მოადგილემ.