მოზაიკა

საქართველოში Maserati-ს პირველი შოურუმი გაიხსნა

,,ომეგა მოტორ ჯგუფმა“ თბილისში, მსოფლიო ბრენდის -მაზერატის პირველი შოურუმი ოფიციალურად გახსნა.

,,Maserati - საქართველოს“ პრეზენტაციაზე ლენტი ,,ომეგა ჯგუფის“ დამფუძნებელმა ზაზა ოქუაშვილმა საპატიო სტუმრებთან - საქართველოში იტალიის ელჩ ანტინიო ენრიკო ბარტოლთან და აღმოსავლეთ ევროპაში ,,მაზერატის“ რეგიონალურ მენეჯერთან სავერიო კამპილიასთან ერთად საზეიმოდ გაჭრა.

აღმაშენებლის ხეივნის მე-10 კილომეტრზე, ,,ომეგა მოტორ სითის“ ტერიტორიაზე მაზერატის შოურუმთან ერთად წარმოდგენილია სერვის ცენტრიც, რომელიც მომხმარებელს იტალიური საავტომობილო ბრენდის - მაზერატის მოდელების სრულ ხაზს, სერვისს და აქსესუარების ფართო არჩევანს სთავაზობს.

,,მაზერატი არის ხელოვნება, ხელით ნაკეთობა. არის ფერარის ფაბრიკიდან, ერთად კეთდება ძრავი. მაზერატის ტარების დროს არის თავგადასავლები. ეს არის ხარისხიანი ცხოვრება, რომელიც საქართველოს ეკუთვნის და ქართველ ხალხს, საქართველოს მოქალაქეს.

გარდა ამისა, ეს არის ინვესტიცია, რომელიც საქართველოში რჩება. ეს არის ახალი სამუშაო ადგილები, პროფესიონალები, რომელიც ჩვენ გვჭირდება.

ჩვენ - ქართველებს, საქართველოს მოქალაქეებს გვეკუთვნის და უნდა ვიცხოვროთ ხარისხთან ერთად“, - განაცხადა ზაზა ოქუაშვილმა.

ცერემონიაში მონაწილეობას საქართველოში იტალიის ელჩი ანტინიო ენრიკო ბარტოლი და აღმოსავლეთ ევროპაში ,,მაზერატის“ რეგიონალური მენეჯერი სავერიო კამპილია იღებდნენ.

,,მაზერატის“ ავტომობილები ხელნაკეთია და თითოეული მათგანი ხელოვნების ნიმუშს წარმოადგენს. საქართველოსთვის ეს ძალიან მნიშვნელოვანია, რადგან ,,მაზერატის“ შემოსვლა ნიშანია იმისა, რომ საქართველოს ხელი მიუწვდება ასეთ მშვენიერებაზე და ასეთი მაღალი ხარისხის პროდუქციაზე. ეს მოწმობს ქვეყნის ეკონომიკურ პროგრესს ყველაზე სფეროში. ამასთან, აღსანიშნავია ,,ომეგა ჯგუფის“ ხედვა - ისინი 10 წლით წინ იხედებიან და სწორედ ამიტომ აკეთებენ არჩევანს მაღალი დონის ბრენდებზე“, - განაცხადა იტალიის ელჩმა საქართველოში ანტინიო ენრიკო ბარტოლიმ.

,,მაზერატის“ შოურუმის გახსნის მნიშვნელობაზე გაამახვილა ყურადღება აღმოსავლეთ ევროპაში ,,მაზერატის“ რეგიონალურმა მენეჯერმა სავერიო კამპილიამ.

,,დღევანდელი დღე ძალიან მნიშვნელოვანია. დღეიდან ,,მაზერატს“ ოფიციალურად წარმოადგენს საქართველოში ,,ომეგა ჯგუფი.“ ,,მაზერატისთვისაც“ მნიშვნელოვანი დღეა.

იტალია და საქართველო მრავალ ასპექტში გვანან ერთმანეთს, ამიტომ, ჩვენ ვამაყობთ რომ აქ ვართ. მოხარულები ვართ, რომ ჩვენი პარტნიორი ისეთი ძლიერი ჯგუფია, როგორიცაა ,,ომეგა“. მნიშვნელოვანია, რომ სწორედ ასეთ ჯგუფთან ვთანამშრომლობთ და ძალიან კმაყოფილები ვართ“, - განაცხადა სავერიო კამპილიამ.

ცნობისთვის - Maserati ექსკლუზიური იტალიური ავტომობილების მწარმოებელი კომპანიაა, რომელიც ბაზარზე 1914 წლიდან გახლავთ წარმოდგენილი და მისი სათაო ოფისი მდებარეობს იტალიის ქალაქ მოდენაში. სწორედ აქ გაიხსნა Maserati-ს ქარხანა, რომელიც შემდეგ მსოფლიოს საუკეთესო ავტომობილების წარმოების ადგილად იქცა. ავტომობილების მთავარი მახასიათებლებია: ელეგანტურობა, დახვეწილი სტილი, სპორტულობა და ინოვაციურობა.

დღეისათვის Maserati წარმოდგენილია ხუთი სამოდელო ხაზით: Ghibli, Quattroporte, Levante, Gran Turismo, Gran Cabrio.

Maserati მსოფლიოს წამყვანი ბრენდია ლაქშერი სეგმენტში, რომელიც თავისი შეუდარებელი კომფორტით და განუმეორებელი შესაძლებლობებით, ყველას თავს ამახსოვრებს.