უკან
არქივი
სამართალი
14 დეკემბერი, 2018 10:50
თბილისში 4 ახალგაზრდა დაჭრეს
თბილისში ურთიერთშელაპარაკების შედეგად ოთხი ახალგაზრდა დაიჭრა. შემთხვევა ვერაზე, ტატიშვილის ქუჩაზე გვიან ღამით მოხდა.
არსებული ინფორმაციით, კონფლიქტი სტუმრებს შორის ჯერ კლუბში დაიწყო, შემდეგ კი, გარეთ შეიარაღებულ დაპირისპირებაში გადაიზარდა.
ჯერჯერობით უცნობია, რა გახდა ამის მიზეზი. დაშავებულებიდან სამი ღუდუშაურის კლინიკაში გადაიყვანეს, ორს უკვე ჩაუტარდა გადაუდებელი ოპერაცია. ერთი ახალგაზრდა კი ალადაშვილის კლინიკაშია მოთავსებული, რომელსაც ასევე ქირურგიული ჩარევა დასჭირდა.
მომხდართან დაკავშირებით, შს სამინისტრო გამოძიებას სისხლის სამართლის კოდექსის 117-ე მუხლით აწარმოებს, რაც ჯანმრთელობის განზრახ მძიმე დაზიანებას გულისხმობს. გავრცელებული ინფორმაციით, მომხდარში ეჭვმიტანილი სამართალდამცავებმა უკვე დააკავეს.