უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
უზენაეს სასამართლოსთან სამართალდამცველები არიან მობილიზებულნი
უზენაესი სასამართლოს დიდი პალატის წევრები ტელეკომპანია რუსთავი 2-ის საქმის განხილვის დასაწყებად იკრიბებიან. უზენაესი სასამართლო დღეს ტელეკომპანია რუსთავი 2-ისა და მისი მფლობელების, ძმებ ლევან და გია ყარამანიშვილების საკასაციო საჩივარს განიხილავს.
სასამართლოში უკვე მივიდნენ მოსამართლეები ბესარიონ ალავიძე და პაატა ქათამაძე, თუმცა მათ შესვლამდე კომენტარი არ გაუკეთებიათ არც ტელეკომპანიის საქმეზე და არც იმ სავარაუდო ზეწოლაზე, რომელიც გავრცელებული ინფორმაციით, მათზე ხორციელდებოდა.
დღეს სამაუწყებლო კომპანია რუსთავი 2-ის საქმის განხილვა ზეპირი მოსმენის გარეშე მოხდება, რაც იმას ნიშნავს, რომ განხილვის პროცესში მონაწილეობის უფლება მხარეებს არ აქვთ.
დიდ პალატაში უზენაესი სასამართლოს 9 მოსამართლე შედის, რომელთაგან ორის აცილება რუსთავი 2-ის ადვოკატებმა უკვე მოითხოვეს - საუბარია უზენაესი სასამართლოს თავმჯდომარე ნინო გვენეტაძე და ასევე მოსამართლე მზია თოდუაზე.
თავის მხრივ, ქიბარ ხალვაშის ადვოკატს, პაატა სალიას წარდგენილი აქვს შუამდგომლობა ალავიძის, ქათამაძის და გასიტაშვილის აცილებასთან დაკავშირებით.
სხდომის პარალელურად რუსთავი 2-ის მხარდამჭერები სასამართლოს შენობასთან დღეს აქციას გამართავენ.
აღნიშნულიდან გამომდინარე, უზენაესი სასამართლოს მიმდებარე ტერიტორიაზე სამართალდამცველების მობილიზება ხდება. სამართალდამცველები შენობის შესასვლელთან და მიმდებარე ტერიტორიაზე არიან განლაგებული.
ნინო ექვთიმიშვილი