პოლიტიკა

ვენეციის კომისიის წინასწარ დასკვნას 22 სექტემბერს მივიღებთ - თამარ ჩუგოშვილი

საქართველოს პარლამენტის ვიცე-სპიკერის, თამარ ჩუგოშვილის ინფორმაციით, საკონსტიტუციო ცვლილებათა კანონპროექტის შესახებ ვენეციის კომისიის წინასწარ დასკვნას მმართველი გუნდი 22 სექტემბერს მიიღებს. ამის შესახებ მან „ამერიკის ხმას“ განუცხადა.

„ჩვენ კომისიისთვის გვაქვს გადაგზავნილი ეს ტექსტიც [მეორე მოსმენით მიღებული საკონსტიტუციო ცვლილებები], რომელზეც წინასწარ მოსაზრებას მივიღებთ 22 სექტემბერს და მხოლოდ ამის შემდეგ გაიმართება უკვე მესამე მოსმენით კენჭისყრა“, -თქვა ჩუგოშვილმა.

პარლამენტის ვიცე-სპიკერის ვარაუდით, საკონსტიტუციო ცვლილებების მესამე მოსმენით კენჭისყრა 26 სექტემბერს გაიმართება.

„მგონია, რომ მესამე მოსმენის ეტაპისთვის რისი გათვალისწინებაც არის შესაძლებელი, მაქსიმალურად გავითვალისწინებთ ყველაფერს. ვფიქრობ, რომ ამ თვის ბოლოს, 26 სექტემბერს ალბათ გვექნება საკონსტიტუციო ცვლილებების მესამე მოსმენით კენჭისყრა“,-განაცხადა ჩუგოშვილმა.

ანა მებურიშვილი