უკან
საზოგადოება
11 ნოემბერი, 2017 13:15
5 წლის განმავლობაში საქართველოს მოქალაქეობა 23 011-მა უცხოელმა მიიღო, აქედან 2017 წელს საქართველოს მოქალაქე 3 097 უცხოელი გახდა
ბოლო 5 წელიწადში, 2013 წლიდან 2017 წლამდე საქართველოში საქართველოს მოქალაქეობა 23 011-მა უცხოელმა მიიღო, ხოლო ბინადრობის ნებართვა გაიცა 85 604 პირზე. „ბანკებისა და ფინანსების“ ინფორმაციით, 85 604 ადამიანიდან მუდმივი ბინადრობის უფლება მისცეს 26 111 პირს, ხოლო დროებითი ბინადრობის ნებართვა 59 493 უცხოელს.
2015 წელს დროებითი ბინადრობის ნებართვა ყველაზე მეტ ადამიანზე - 22 089 პირზე გაიცა, ხოლო მუდმივი ბინადრობის -9 407 პირზე.
2017 წლის მონაცემებით, დროებითი ბინადრობის ნებართვა მოიპოვა 13 336 პირმა, მუდმივისა კი 2 820-მა. საქართველოს მოქალაქეობის მიღების ყველაზე დიდი მაჩვენებელი 2013 წელს აღირიცხა - 6 440 ადამიანი, ხოლო 2017 წლის 1 იანვრიდან 9 ოქტომბრამდე საქართველოს მოქალაქე გახდა 3 097 უცხოელი.
ანა მებურიშვილი