ეკონომიკა
არავითარ კავშირში არ არის თურქული ლირის დევალვაცია ლარის გაუფასურებასთან - რომან გოცირიძე
ნაციონალური მოძრაობის წევრი, რომან გოცირიძე ლარის კურსის გაუფასურებას მთავრობის არასწორ პოლიტიკას უკავშირებს.
დეპუტატის თქმით, ლარის გაუფასურება თურქული ლირის დევალვაციასთანკავშირში არ არის და მისი განმარტებით, ამაში ბრალი ხელისუფლების პოლიტიკას მიუძღვის.
,,არავითარ კავშირში არ არის თურქული ლირის დევალვაცია ლარის გაუფასურებასთან. გუშინ ლირა დაეცა და დღეს მთელი საქართველო გაიქცა ჩემოდნებით და იყიდა გაიაფებული თურქული საქონელი? ვნახავთ თვის ბოლოს სტატისტიკას, რომ არავითარი ზრდა იმპორტში არ იქნება. ერთადერთი გავლენა ეს არის ვალუტის გადინება იმპორტის გაზრდის სახით. რა თქმა უნდა, არსებობს ფსიქოლოგიური ფაქტორიც. ორივე დაემთხვა ერთმანეთს. ფსიქოლოგიური ფაქტორი გადაივლის, მაგრამ ფუნდამენტური რჩება.
ფუნდამენტური ეს არის მთავრობის და ეროვნული ბანკის სერიოზული შეცდომები და ეკონომიკური სტაგნაცია, რომელიც ყოველთვის ქმნის ფასების ზრდისა და ლარის გაუფასურების რისკს,“ - განაცხადა რომან გოცირიძემ.
ნინო ექვთიმიშვილი