ეკონომიკა

ჩვენი მიზანია, შემოვიყვანოთ საქართველოში ინვესტიციები და ჩვენი პროდუქცია იყოს მიმზიდველი მსოფლიოსთვის - რომან ბადალიანი

კომპანია „აი გრუპის“ წარმომადგენლის ირაკლი გაჩეჩილაძის განცხადებით, საქართველოში რუსული ბიზნესის კეთების საკითხში დიპლომატიური ურთიერთობები ამოსავალი წერტილი არ არის.

ამის შესახებ გაჩეჩილაძემ რუსეთ-საქართველოს ბიზნეს ფორუმის ფარგლებში ჟურნალისტებთან საუბარში განაცხადა.

„მე ვფიქრობ,რომ დიპლომატიური კონტაქტები ამ შემთხვევაში ამოსავალი წერტილი არ არის, იმიტომ რომ საქართველოში ძალიან ბევრი რუსული კომპანია მოქმედებს და მოღვაწეობს საკმაოდ წარმატებულად ბევრ დიდ სფეროში. ჩვენი კომპანია იურიდიული კომპანიაა. ჩვენ ვთავაზობთ ჩვენს მომსახურეობას საქართველოში დაარსებასთან დაკავშირებით და სხვადასხვა პრობლემასთან დაკავშირებით, რომელიც მათ შეიძლება გაუჩნდეთ“,-განაცხადა გაჩეჩილაძემ.

„უნივერს ბიზნეს გრუპის“ გენერალური დირექტორის რომან ბადალიანის თქმით, საქართველოს ინტერესი, ამ შემთხვევაში არის ინვესტიციების მოზადივა და რომ ქართული პროდუქცია მსოფლიოსთვის იყოს მიმზიდველი.

„ჩვენ ვართ ბიზნესმენები, ორიენტირებული ვართ იმაზე, რომ ვაწარმოოთ საქართველოში პროდუქცია, მოვიპოვოთ სხვადასხვა პარტნიორები, შემოვიყვანოთ საქართველოში ინვესტიციები და ჩვენი პროდუქცია იყოს მიმზიდველი მსოფლიოსთვის, ეს არის ჩვენი მიზანი. პოლიტიკას, რა თქმა უნდა, ხაზი არ უნდა გაესვას, ვინაიდან ბიზნესი არის ბიზნესი და პოლიტიკა არის პოლიტიკა“,-აღნიშნა ბადალიანმა.

შეგახსენებთ, რომ თბილისში რუსი ბიზნესმენების 14-კაციანი ჯგუფი ჩამოვიდა.

რუსი ბიზნესმენები, სოფლის მეურნეობი, სატრანსპორტო, სამშენებლო და ჯანდაცვის სფეროებით არიან დაინტერესებული.

მონიკა დავლიანიძე