რეგიონები

ჩვილის გარდაცვალებაში ოჯახი ოზურგეთის კლინიკის სამშობიარო პერსონალს ადანაშაულებს

გურიაში საკეისრო კვეთის დროს გარდაცვალილი ჩვილის დაბადებაში ოჯახი ოზურგეთის მედ-ალფას კლინიკის ექიმებს ადანაშაულებს და მათი პასუხისმგებლობის საკითხის დაყენებას მოითხოვს.

არსებული ინფორმაციით, 23 წლის ნათია ჟორჟოლიანის ბიოლგიური მშობიარობის დროს პრობლემები შეიქმნა, რის გამოც მას საკეირსო კვეთა ჩაუტარდა, თუმცა ნაყოფი უკვე დაღუპული იყო.

ნათია ჟორჟოლაინის ოჯახი ექსპერტიზის ჩატარებას მოითხოვს. როგორც ისინი ამბობენ, მორიგე ქირურგმა მათ დაუდასტურა, რომ ოპერაცია რამდენიმე წუთით ადრე რომ დაწყებულიყო, ბავშვი გადარჩებოდა.

,,კონსულტაციებზეც დადიოდა აქ და უყურადღებოდ ნამდვილად არ დაგვიტოვებია ერთი წუთით. ყველაფერი არის ექიმთა დაუდევრობის ბრალი. თუ ასეთი საპრობლემო იყო ბიოლგიური მშობიარობა, რატომ არ გაუკეთეს მაშინ საკეისრო’’, - ამბობს ოჯახის წევრი დავით ჟორჟოლიანი.

ნინო ექვთიმიშვილი