პოლიტიკა

ამერიკაში ძალიან ბევრი კონგრესმენია და ყველას აქვს აზრის გამოხატვის უფლება - ზურაბ ტყემალაძე

პარლამენტის ფრაქცია „ქართული ოცნება-მრეწველების“ მდივნის ზურაბ ტყემალაძის განცხადებით, ამერიკაში ძალიან ბევრი კონგრესმენია და ყველას აქვს აზრის გამოხატვის უფლება.

ამის შესახებ ტყემალაძემ ჟურნალისტებთან აშშ-ს კონგრესის ქვედა პალატის რესპუბლიკელი კონგრესმენის სტივ რასელის საქართველოს ყოფილი პრემიერის, ბიძინა ივანიშვილი გაკრიტიკებისა და მისი ანგარიშების გაყინვის მოთხოვნის კომენტირებისას განაცხადა.

კონგრესმენის თქმით, ივანიშვილი გავლენას კვლავ ინარჩუნებს მთავრობაზე. სტივ რასელმა ყოფილი პრემიერი რუსეთისადმი ლოიალურად და პუტინის მოკავშირედაც მოიხსენია.

„ახლა პირდაპირ ეთერში რომ არ ვიყო ვის აქვს გაყინული და რა აქვს გაყინული ვიტყოდი. ამერიკაში ძალიან ბევრი კონგრესმენია. ყველა ქვეყანაში არიან დეპუტატები, პარლამენტის წევრები ისევე როგორც ჩვენ. ყველას აქვს, რა თქმა უნდა, აზრის გამოხატვიას შესაძლებლობა და უფლება, მაგრამ ეს იმას არ ნიშნავს, რომ მათი ნათქვამი არის კანონი და მათ ნათქვამს უნდა დავემორჩილოთ ყველა“,-განაცხადა ტყემალაძემ.

მონიკა დავლიანიძე