დღის კალენდარი

დღის კალენდარი _ 2 მარტი

წლის 62-ე დღე‚ ახალ წლამდე დარჩა 303 დღე.

საეკლესიო კალენდარი

დიდმოწამისა თეოდორე ტირონისა (IV); მღვდელმოწამისა თეოდორე აჭარელისა, მღვდელმონოზონისა, ოსმალთაგან წამებულისა (XIX); მართლისა მარიამნასი, მოციქულ ფილიპეს დისა (I); მოწამისა მინა კალიკელადისა (აღმოყვანება წმიდათა ნაწილთა 867-889 წ.წ.); მღვდელმოწამისა ერმოგენისა, რუსეთის პატრიარქისა, სასწაულთმოქმედისა (1612); ახალმოწამისა თეოდორე ბიზანტიელისა (1795).

დაიბადნენ:

1824 — ბედრჟიხ სმეტანა, ჩეხი კომპოზიტორი.

1859 — შოლომ-ალეიხემი, ებრაელი მწერალი.

1878 — მიხაკო წერეთელი, ქართული ასირიოლოგიის ფუძემდებელი, ქართული პოლიტიკური ანარქიზმის ფუძემდებელი, საზოგადო მოღვაწე, პუბლიცისტი. გარდაიცვალა 1965 წელს.

1917 _ მირზა გელოვანი, პოეტი. გარდაიცვალა 1944 წელს.

1931 — მიხეილ გორბაჩოვი, საბჭოთა კავშირის პირველი და უკანასკნელი პრეზიდენტი.

1941 _ გიორგი ალექსი-მესხიშვილი, მხატვარი.

1957 _ დიტო ცინცაძე, კინორეჟისორი.

გარდაიცვალნენ:

1897 — ჰორაციო უოლპოლი, ბრიტანელი ისტორიკოსი, პოლიტიკური მოღვაწე.

1939 — ჰოვარდ კარტერი, ინგლისელი არქეოლოგი, მან აღმოაჩინა ტუტანხამონის სარკოფაგი.

მოვლენები:

1796 — ნაპოლეონ ბონაპარტი იტალიაში მოქმედი არმიის მთავარსარდლად დაინიშნა.

1878 — ბულგარეთი განთავისუფლდა თურქეთის უღლისაგან.

1917 — რუსეთის იმპერატორმა ნიკოლაი მეორემ ტახტზე უარი თქვა თავისი უმცროსი ძმის მიხეილის სასარგებლოდ.

1969 — ზებგერითმა სამგზავრო თვითმფრინავმა „კონკორდმა“ პირველი საცდელი ფრენა განახორციელა ტულუზიდან (საფრანგეთი).