პოლიტიკა

“ევროპული საქართველო” შს მინისტრს მიმართავს

„ევროპული საქართველოს“ წევრი, ელენე ხოშტარია შს სამინისტროს მიერ საპოლიციო კონტროლის ფარგლებში ჩატარებულ რეიდებს ეხმაურება.

ოპოზიციური პარტიის ერთ-ერთი ლიდერი შს მინისტრს მიმართავს და მოუწოდებს, ქვეყანაში კრიმინოგენული ვითარების გამოსასწორებლად ნუ გამოიყენებს რეიდების მოძველებულ ფორმას.

ხოშტარია მიიჩნევს, რომ მსგავსი ღონისძიებების დროს მაღალია ადამიანის უფლებების შელახვის რისკი.

„ასეთი გზებით ჩვენ მხოლოდ და მხოლოდ დავამძიმებთ ვითარებას, ჩვენ ვნახეთ კონკრეტული შემთხვევა, რომელიც ძალიან ლოგიკური იყო პოეტთან დაკავშირებით, როდესაც ძალიან უხეშად დაირღვა მისი უფლებები. პოეტის გარდა, უამრავი შემთხვევა იქნება მსგავსი იმიტომ, რომ რეიდი მოიცავს უკვე ბუნებრივად ამის საშიშროებას.

მოვუწოდებ შს მინისტრს, რომ ნუ მიმართავს, ძველ რეიდების ფორმას, რომელიც უკვე ყველამ რომ კარგად ვიცით, რისი მომტანია,“ - განაცხადა ელენე ხოშტარიამ.