საზოგადოება
გია გაჩეჩილაძემ ტელეკომპანია „მაესტროს“ საკუთარი წილი ინა გუდავაძეს გადასცა
ტელეკომპანია „მაესტროს“ 55%-ანი წილის ყოფილი მფლობელის გია გაჩეჩილაძის განცხადებით, მან საკუთარი წილი, მედიაჰოლდინგ „იმედის“ დირექტორს ინა გუდავაძეს გადასცა.
როგორც გაჩეჩილაძემ „ტვ პირველის“ ეთერში განაცხადა, გადაწყვეტილების მიზეზი გახდა ის, რომ მან დაიღალა ყოველდღიურად თანამშრომლებზე გასაცემი ხელფასების შესახებ ფიქრისგან.
რაც შეეხება მედიაჰოლდინგ „იმედის“ მიერ „მაესტროს“ შეძენაზე, გაჩეჩილაძემ აღნიშნა, რომ ყველაფერი კანონიერად მოხდა.
"ვინც რა შეთქმულებას ხედავს, ეს მისი ეჭვიანობის ბრალია. ეჭვიანობა ავადმყოფობაა და გადაეცით მამუკა ღლონტს. ყველაფერი მოხდა კანონიერად, მეწილეებმა გაყიდეს თავიანთი წილი და ეს წილი შეიძინა ქალბატონმა ინა გუდავაძემ, გააკეთა მედია ჰოლდინგი. ამაში მეც მივეხმარე, მეც ვიყავი ამ პროცესებში ჩართული, რომ ეს წილი არ წასულიყო რუსთავი 2-სკენ და მაესტრო არ გაერთიანებულიყო რუსთავი 2-თან, ამიტომ ჩავერიე მე, ხოლო მთლიანი ჰოლდინგი შეიქმნა ინა გუდავაძის ქვეშ და არა ვიღაც ნიკა გვარამიას ქვეშ"“,-განაცხადა გაჩეჩილაძემ.
მისი თქმით, ინა გუდავაძის სახით გამოჩნდა ადამიანი, რომელიც „ჩამყაყებულ ტელესივრცეს“ რაღაც ახალს შემატებს.
"დავიღალე ყოველდღე იმის ფიქრით, როგორ გავცე ხელფასები და გამოჩნდა ის ადამიანი, ვინც დააფინანსებს ამ ტელევიზიას, ვინც რაღაც ახალს შემოიტანს ამ ჩამყაყებულ ტელესივრცეს და უკეთესობისკენ დაიძვრება პროცესები“,-აღნიშნა გია გაჩეჩილაძემ.
მონიკა დავლიანიძ