უკან

უახლესი ამბები

დღის კალენდარი

ანონსები

არქივი

ეკონომიკა

18 დეკემბერი, 2017 11:45
font-size

ირაკლი კობახიძის ვიზიტმა და კახა კალაძის მხარდაჭერამ საქართველოში ისრაელიდან ახალი ინვესტიცია შემოიტანა

საქართველო-ისრაელის ბიზნეს პალატისა და „ისრაელის სახლის“ ორგანიზებით თბილისში სტუმრად მყოფი ისრაელის დელეგაცია, რომლის შემადგენლობაშიც იყვნენ ქნესეთში საქართველოსთან მეგობრობის ჯგუფის წევრი დეპუტატები, ბიზნესის წარმომადგენლები, ანალიტიკოსები და ისრაელის წამყვანი მედიასაშუალებათა ჟურნალისტები, ძველ თბილისში ისრაელური ინვესტიციით ფეშენებელური სასტუმროს მშენებლობის დაწყების ცერემონიალს დაესწრო. ღონისძიებაში მონაწილეობდნენ, აგრეთვე, თბილისის მერი კახა კალაძე და ტურიზმის ეროვნული ადმინისტრაციის ხელმძღვანელი გიორგი ჩოგოვაძე.

ისრაელის დელეგაციის ვიზიტი, საქართველოს პარლამენტის თავმჯდომარის ირაკლი კობახიძის ოქტომბერში ისრაელში ვიზიტის შემდეგ გადაწყდა. ქნესეთის საქართველოსთან მეგობრობის ჯგუფის წევრების თბილისში სტუმრობას ორგანიზება „ისრაელის სახლმა“ გაუკეთა, მასპინძელი კი საქართველოს პარლამენტი იყო.

სასტუმროს მშენებლობის დაწყების ცერემონიალზე დამსწრე საზოგადოებას სიტყვით მიმართეს საქართველო-ისრაელის ბიზნეს პალატის ხელმძღვანელმა იციკ მოშემ, თბილისის მერმა კახა კალაძემ, ტურიზმის ადმინისტრაციის ხელმძღვანელმა გიორგი ჩოგოვაძემ, ქნესეთის წევრებმა იციკ შმულიმ და აქრამ ხასონმა.

მირზა შაფის ქუჩაზე 63-ნომრიანი თანამედროვე სასტუმროს მშენებლობაში ინვესტირებული იქნება 12 მლნ. დოლარი. სასტუმრო მოიცავს, აგრეთვე, არტგალერეასა და კაფეებს, ხოლო მისი მთავარი შენობის ფასადი გადაწყვეტილი იქნება ქართული ორნამენტებიანი ხალიჩის სტილში.

პროექტის დასრულების შემდეგ დედაქალაქი მიიღებს თბილისის ისტორიულ უბანზე არქიტექტურულად მორგებულ, მაღალი კლასის სასტუმროს.

ბოლო წლების განმავლობაში ეს საქართველო-ისრაელის ბიზნეს პალატის ეგიდით საქართველოში შემოსული ერთ-ერთი მსხვილი ინვესტიცია იქნება. საქართველოს საინვესტიციო გარემოს მიმზიდველობაზე განსაკუთრებული ყურადღება გამახვილდა საქართველოს პარლამენტის თავმჯდომარის, ირაკლი კობახიძის ისრაელში ვიზიტისას. როგორც დელეგაციის წევრმა პარლამენტარებმა აღნიშნეს, ისრაელში ვიზიტისას მათ ირაკლი კობახიძისგან მოისმინეს საფუძვლიანი და სარწმუნო ინფორმაცია საქართველოში არსებულ ბიზნესგარემოზე და ისინი ამაში თბილისში ვიზიტისას დარწმუნდნენ.

თბილისის მერის, კახა კალაძის განცხადებით, ეს არის კერძო ინვესტიცია, რომელსაც სახელმწიფო განხორციელებაში მაქსიმალურად ხელს შეუწყობს. ეს არის პროექტი, რომელიც როგორც მიმდინარეობისას, ისე დასრულების შემდეგ ქმნის ახალ სამუშაო ადგილებს, - განაცხადა დედაქალაქის მერმა.

ტურიზმის ადმინისტრაციის ხელმძღვანელის, გიორგი ჩოგოვაძის თქმით, ქვეყანაში არსებობს ტურიზმის მზარდი ტენდენცია, რაც თავის მხრივ ხელს უწყობს ახალი ინვესტიციების შემოდინებას. მირზა შაფის პროექტი ამის ნათელი მაგალითია.

საქართველო-ისრაელის ბიზნეს პალატის ხელმძღვანელის და „ისრაელის სახლის“ დამფუძნებლის იციკ მოშეს განცხადებით, სულ უფრო და უფრო იზრდება საქართველოთი ისრაელელი ბიზნესმენების დაინტერესება. საქართველო-ისრაელის ბიზნეს პალატის ეგიდით, საქართველოში უკვე შემოსულია 500 მილიონი დოლარის ინვესტიცია. ამას მნიშვნელოვნად ხელი შეუწყო ბიზნეს გარემომ. საქართველო-ისრაელის ბიზნეს პალატა ფოკუსირებულია იმ პოტენციალის ათვისებაზე, რომელიც მოემსახურება ისრაელ-საქართველოს ეკონომიკური კავშირების გაღრმავებას. „ვმუშაობთ, რომ მეტი ისრაელელი დავაინტერესოთ საქართველოთი. მირზა შაფის ქუჩაზე განსახორციელებელი პროექტიც ამ საქმიანობის ნაწილია. მჯერა რომ საქართველოში უკვე განხორციელებული ინვესტიცია მაგალითი იქნება სხვა ბიზნესისთვისაც. დღეს აქ თბილისის მერის მობრძანება კი უცხოური ინვესტიციის მხარდაჭერის კარგი მაგალითია“, - განუცხადა მედიას იციკ მოშემ.

საკვანძო სიტყვები:

სწრაფად უნდა დაიწყოს დავით გარეჯის აღდგენა და ასევე სასწრაფოდ უნდა შევუდგეთ საზღვრის დადგენის საკითხს - სალომე ზურაბიშვილი

20 აპრილი, 2019 , 16:45

საქართველოს პრეზიდენტმა, ევროპა ნოსტრას ჯგუფთან ერთად, დავით გარეჯის სამონასტრო კომპლექსი დაათვალიერა. ამის შესახებ მან ვიდეომასალა ფეისბუკის საკუთარ გვერდზე გაავრცელა. „აქ ყველაფერში ჩანს, რომ აუცილებელია, ძალიან

ბერძნული ავიაკომპანია თბილისის მიმართულებით სეზონურ ფრენებს შეასრულებს

19 აპრილი, 2019 , 15:05

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებასა“ და ბერძნულ ავიაკომპანია ELLINAIR-ს შორის მოლაპარაკებების წარმატებით დასრულების შედეგად, მაისიდან განახლდება სეზონური რეი

ევროკავშირში ექსპორტი შემცირდა, დსთ-ის ქვეყნებში კი, გაიზარდა

19 აპრილი, 2019 , 13:30

საქართველოდან ევროკავშირის ქვეყნებში, 2019 წლის იანვარ-მარტში, 196.0 მლნ აშშ დოლარის ექსპორტი განხორციელდა, რაც 6.4 პროცენტით ნაკლებია წინა წლის შესაბამის მაჩვენებელზე და ქვეყნის მთლიანი ექსპორტის 23.7 პროცენტს შეადგენს.

საქართველოში იმპორტი 4.7 პროცენტით შემცირდა

19 აპრილი, 2019 , 13:30

საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე), 2019 წლის იანვარ-მარტში, 2 807.3 მლნ. აშშ დოლარი შეადგინა, რაც წინა წლის შესაბამის მაჩვენებელზე 0.1 პროცენტით ნაკლებია. საქსტატის ინფორმაც

საქართველოს ეროვნული ბანკისა და მსოფლიოს ბანკის ორგანიზებით, სპეციალიზებული დეპოზიტარის ფონდის მართვის შესახებ სამუშაო შეხვედრა გაიმართა

19 აპრილი, 2019 , 10:27

საქართველოს ეროვნული ბანკის ორგანიზებით სპეციალიზებული დეპოზიტარის ფონდის მართვის თემაზე სამუშაო შეხვედრა გაიმართა. ღონისძიება ევროკავშირისა და მსოფლიო ბანკის ერთობლივი პროექტის ფარგლებში ჩატარდა და მიზნად ისახავს ბაზრის

მივესალმებით კვიპროსთან ურთიერთობის გაღრმავებას ყველა სექტორში - გიორგი ქობულია

18 აპრილი, 2019 , 14:15

ღრმად ვარ დარწმუნებული, რომ საქართველო-კვიპროსის ბიზნესფორუმი მნიშვნელოვნად შეუწყობს ხელს ჩვენი ბიზნესწრეების დაახლოებას, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ საქართველო-კვიპროსის

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019