საზოგადოება

ის რაც ყიზილაჯლოში მოხდა, პოლიტიკურ დაპირისპირებას უკავშირდება - ჯეიხუნ ჩოიდაროვი

სოფელ ყიზილაჯლოში, არჩევნებამდე ორი დღით ადრე დაჭრილი „ქართული ოცნების“ მაჟორიტარობის კანდიდატი ჯეიხუნ ჩოიდაროვი აცხადებს, რომ ის რაც „ქართული ოცნების“ შტაბში მოხდა პირად აგნარიშსწორებას არ უკავშირდება.

როგორც ჩოიდაროვმა მედიას განუცხადა, შტაბში გამართული სროლა პოლიტიკას უკავშირდება.

რაც შეეხება ჩოიდაროვის ჯანმრთელობის მდგომარეობას, მას ამჟამად წოლითი რეჟიმი აქვს და ის ექიმების მეთვალყურეობის ქვეშ იმყოფება.

„ახლა თავს შედარებით უკეთესად ვგრძობ, თუმცა ისევ ექიმების კონტროლის ქვეშ ვიმყოფები და მათზე დამოკიდებულია როდის შევძლებ მუშაობას. პირდაპირ შემიძლია თქმა, რომ ის რაც ყიზილაჯლოში მოხდა, იყო პოლიტიკური საკითხი. მე მაქვს ეჭვი ერთ ადამიანზე, რომელსაც ამის გაკეთება შეეძლო. პოლიციას ყველაფერი მოვუყევი და ის ადამიანიც დაიკითხება. დარწმუნებული ვარ, რომ ეს არ მომხდარა პირადი ანგარიშსწორების მიზნით, ეს პოლიტიკურ დაპირისპირებას უკავშირდება“,-აღნიშნა ჩოიდაროვმა.

19 ოქტომბერს, სოფელ ყიზილაჯლოში, გვიან ღამით, „ქართული ოცნების“ საარჩევნო შტაბში სროლა მოხდა.

სროლის დროს შენობაში რამდენიმე პირი იმყოფებოდა. დაჭრილები საავადმყოფოში შტაბის წევრებმა ავტომანქანებით გადაიყვანეს.

შემთხვევის ადგილზე ჩავიდა შინაგან საქმეთა მინისტრი.

მღებრიშვილმა მედიასთან საუბარში განაცხადა, რომ „ნუ განვიხილავთ ამას ცალსახად პოლიტიკურ ჭრილში. პოლიტიკური სარჩული, ჩემი თხოვნა იქნება, რომ მოვხსნათ ამ თემას. მიუხედევად ამისა, ჩვენ ყველა ვერსიაზე ვმუშაობთ“.

მონიკა დავლიანიძე