საზოგადოება
ივნისში სურსათზე გლობალური ფასები გაიზარდა, რაც ხორბალსა და ხორცზე ფასების ზრდითაა გამოწვეული
გაეროს სურსათის და სოფლის მეურნეობის ორგანიზაციის (FAO) სურსათის ფასების ინდექსი, ყოველთვიური შეწონილი სავაჭრო ინდექსია, რომელიც ხუთი ძირითადი სასურსათე ჯგუფის - მარცვლეული, ზეთი, ხორცი, რძე და შაქარი - საერთაშორისო საბაზრო ფასებს ასახავს. ინდექსმა ივნისში 175.2 პუნქტი შეადგინა, მაისთან შედარებით 1.4 პროცენტით გაიზარდა, გასულ წელთან შედარებით კი - 7%-ით.
FAO- ს მარცვლეულის ფასების ინდექსი ამ თვეში 4.2%-ით გაიზარდა, რაც მაღალპროტეინიან ხორბალზე ფასების ზრდითაა განპირობებულია. ხორბალზე ფასების ზრდა გამოწვეულია აშშ-ში მოსავლის გაუარესებით. ამის საპირისპიროდ, სამხრეთ ამერიკაში რეკორდული მოსავლის ფონზე, ფასები სიმინდზე შემცირდა.
ასევე, გაიზარდა ფასები ხორცის და რძის პროდუქტებზე, ხოლო მცენარეული ზეთისა და შაქრის ფასების ინდექსები დაეცა.
მარცვლეულის მარაგები რეკორდულ მოცულობას აღწევს მიუხედავად იმისა, რომ მაღალპროტეინიანი ხორბლის მიწოდება მცირდება, მომდევნო წელს მარცვლეულის გლობალური მიწოდება კვლავ ჭარბი იქნება,FAO-ს მიერ დღეს გამოქვეყნებული ანგარიშის „მარცვლეულის მოთხოვნა-მიწოდების“ მიხედვით.
FAO-მ 2017 წელს ხორბლის გამოშვების ივნისის პროგნოზი მიმოიხილა და, ახალი პროგნოზით, გაზრდილია სიმინდის და ბრინჯისმოსავალი. წელს მარცვლეულის ჯამური გლობალური წარმოება 2 593 მლნ ტონას მიაღწევს, რაც 0.6 პროცენტით ჩამოუვარდება 2016 წლის მაჩვენებელს.
მოსალოდნელია მსოფლიო მარცვლეულის მარაგების შემდგომი ზრდა ახალ რეკორდულ მაჩვენებლამდე - 704 მლნ ტონამდე.