უახლესი ამბები
- 13.05.2024 08:50რამდენიმე ოპოზიციური პოლიტიკური პარტია ერთობლივ განცხადებას ავრცელებს
- 13.05.2024 07:41პარლამენტის სასახლეში 13 მაისიდან უსაფრთხოების ყვითელი დონე იმოქმედებს
- 13.05.2024 07:31დღის კალენდარი - 13 მაისი
არქივი
ეკონომიკა
კახა კიკნაველიძე საპენსიო რეფორმაზე: დღეს საქართველოში არ არის დაგროვების კულტურა სათანადო დონეზე და მნიშვნელოვან განვითარებას საჭიროებს
საქართველოს ბანკის გენერალური დირექტორი, კახა კიკნაველიძე საპენსიო რეფორმის აუცილებლობაზე საუბრობს.
როგორც კიკნაველიძემ ჟურნალისტებს საკითხის კომენტირებისას განუცხადა, საქართველოში დაგროვების კულტურა მნიშვნელოვან განვითარებას საჭიროებს.
საქართველოს ბანკის გენერალური დირექტორი დადებითად აფასებს დაგროვების პრინციპს, რომელიც გულისხმობს იმას, რომ თუ ადამიანი ფონდში გადარიცხავს საკუთარი ხელფასიდან 2%-ს, მიიღებს ასევე 2%-იან დანამატს სახელმწიფოსგან და 2%-ს საკუთარი დამსაქმებლისგან.
,,ჩვენ ვხედავთ აუცილებლობას საპენსიო რეფორმის. ვფიქრობ, ეს არის დასაწყისი შემდგომი განვითარებისთვის. დღეს საქართველოში არ არის დაგროვების კულტურა სათანადო დონეზე და მნიშვნელოვან განვითარებას საჭიროებს.
2+2+2 პრინციპი საშუალებას აძლევს მონაწილეობა მიიღოს დაგროვების დაწყებაში როგორც დასაქმებულმა პირმა, ისე მისმა დამსაქმებელმა.
ვფიქრობ, რომ ეს მნიშვნელოვანი ნაბიჯია. ალბათ მომავალში დაგროვება კიდევ უფრო მეტად უნდა გაიზარდოს“, - განაცხადა კიკნაველიძემ.
მისივე თქმით, შემდგომი ნაბიჯები ალბათ უფრო, ნებაყოფლობითი დაგროვებისკენ იქნება მიმართული.
ამასთან, როგორც კიკნაველიძემ აღნიშნა, საქართველოში ჯერჯერობით სათანდო დონეზე არ არის მოსახლეობის განათლება ფინანსების მართვის მხრივ, რომ გაიგონ, თუ რამდენად მნიშვნელოვანია დაგროვება და ნებაყოფლობით გადავიდნენ ამ პრინციპზე.
ნინო ექვთიმიშვილი