რეგიონები
ხარაგაულის რაიონის სოფელ ზვარეში ადგილობრივების აქცია მიმდინარეობს
ხარაგაულის რაიონის სოფელ ზვარეში ადგილობრივებისა და რკინიგზელთა ახალი პროფკავშირების აქცია მიმდინარეობს. აქციის მონაწილეები სარკინიგზო გვირაბზე მომუშავე ჩინური კომპანია ,,23 ბრიგადისთვის“ საქმიანობის შეჩერებას ითხოვენ.
ადგილობრივების თქმით, ჩინური კომპანიის წარმომადგენლები გუშინ ჯერ ადგილობრივ მაცხოვრებლებს გაუსწორდნენ ფიზიკურად, შემდეგ კი მათ მისახმარებლად მისულ მუშებსაც სცემეს, რომლებიც რკინიგზის მშენებლობაზე არიან დასაქმებული.
ჩინური კომპანიის წარმომადგენლებსა და მუშებს შორის ფიზიკური დაპირისპირება დღესაც მოხდა. ხუთი მუშა ბლაგვი და მჭრელი საგნებით მიყენებული დაზიანებებით საავადმყოფოებში მოათავსეს. არსებული ინფორმაციით, მსუბუქი დაზიანებები მიიღო ჩინური კომპანიის სამმა წარმომადგენელმაც.
მომხდარზე გამოძიება სისხლის სამართლის კოდექსის 125-ე, ცემის მუხლით მიმდინარეობს.