მოზაიკა
ხერხემლის ფართოდ გავრცელებული პრობლემები
ხერხემლის პრობლემები მთელს მსოფლიოში ერთ-ერთ ყველზე ფართოდ გავრცელებულ დაავადებათა რიცხვს მიეკუთვნება. გარკვეულწილად, ამას სამედიცინო სფეროს წარმომადგენლები ჩვენი ცხოვრების წესს, ყოველდღიურ საქმიანობასა ან პროფესიას უკავშირებენ. გარდა ჩვენი ყოველდღიურობისა, მედიკოსები მიიჩნევენ, რომ ხერხემლის პრობლემების გამომწვევ მიზეზებთან პირდაპირ კავშირშია თანამედროვე ტექნოლოგიები. დღესდღეობით, ხერხემლის პრობლემებიდან საზოგადოებაში ყველაზე გავრცელებულ დაავადებათა რიცხვს მიეკუთვნება:
● სქოლიოზი - იგივე ხერხემლის გამრუდება ხშირია მოზარდებში, რადგან ბავშვის სწრაფი ზრდისას კუნთოვანი კარკასი ვერ ეწევა ძვლების განვითარებას, ეს კი ხერხემლის კუნთებისა და იოგოვანი აპარატის დასუსტებას განაპირობებს. არსებობს I და II ხარისხის - შედარებით მსუბუქად მიჩნეული, და III და IV - რომელიც სერიოზული პათოლოგიაა და ორგანოთა მთელ წყებას აზიანებს.
● კუზი - მკვეთრად გამოხატული გულ-მკერდის კიფოზია. ის შეიძლება იყოს როგორც თანდაყოლილი, ასევე შეძენილი. ამ პათოლოგიის გამომწვევ მიზეზებს შორისაა მალთა-შუა დისკის დეგენერაცია, ართრიტი, ტრავმა და სხვა. პაციენტს ამ დროს აწუხებს ტკივილი, სისუსტე და ხშირად სუნთქვის გაძნელებაც.
● ლორდოზი - ამ დროს წელის ნორმალური ნადრეკი უფრო ღრმად არის შეწეული. პათოლოგიური ლორდოზი შეიძლება წარმოიშვას კუნთების დისბალანსის, ტრავმისა და სწრაფი ზრდის შედეგად.
● მალთა-შუა დისკის თიაქარი - ხერხემლის ერთ-ერთი ყველაზე გავრცელებული პრობლემა ოსტეოქონდროზია, მალთა-შუა დისკის თიაქარი კი მისი ერთ-ერთი გამოხატულებაა. ეს დაავადება შეიძლება ადამიანს გენეტიკურად გადაეცეს ან ჭარბწონიანობამ, ხანდაზმულმა ასაკმა, კონკრეტულმა ტრავმამ, ინფექციებმა ან ფიზიკურმა დატვირთვამ გამოიწვიოს. ამ დროს დარღვეულია დისკის მთლიანობა და ადგილი აქვს დეფექტიდან პულპოზური ბირთვის გამოვარდნას.
● სპონდილოზი - არის ხერხემლის სვეტის დეგენერაციის აღმნიშვნელი ზოგადი ტერმინი. ამ პათოლოგიას კი მრავალი გამომწვევი მიზეზი აქვს, მათ შორის ყველაზე გავრცელებული კი ოსტეოართრიტია, რომელიც ასაკთან დაკავშირებულ პრობლემას წარმოადგენს. სპონდილოზის დროს შეიძლება ადგილი ჰქონდეს ნერვულ ღეროებზე ზეწოლას, რამაც შეიძლება გამოიწვიოს ტკივილი, პარესთეზიები, წონასწორობის დარღვევა ან კუნთების სისუსტე.
ხერხემალზე არსებული პრობლემების დროს სასურველია, გააძლიეროთ წელის კუნთები ცურვით ან ნაკლებად ინტენსიურ ვარჯიშების დახმარებით. ასევე ამ დროს პაციენტმა თავი უნდა შეიკავონ მკვეთრი მოძრაობებისგან და რამდენიმე დღის განმავლობაში შეინარჩუნოს მოსვენებითი მდგომარეობა. გარდა ამისა, ხერხემლის დაზიანებების დროს რეკომენდებულია ისეთი სპორტული აქტივობებით დაკავება, როგორიცაა: იოგა, პილატესი და ფეხით სიარული. ასევე, ხერხემლის პრობლემების შესამცირებლად და სხვა თანმხლები დაავადებების პრევენციისთვის მიზანშეწონილია ხერხემლის ქამრებისა და კორსეტების გამოყენება. ეს პროდუქცია ხელს უწყობს ხერხემლისა და წელის იმობილიზაციას, რაც ამ არეში დატვირთვის შემსუბუქებას უზრუნველყოფს. ხერხემლის ორთოპედიული ქამრებისა და კორსეტების ფართო არჩევანია სამედიცინო კომპანია "ახალი ხედვის" მაღაზიათა ქსელში. აღნიშნული პროდუქცია განსხვავებული ფორმისა და დანიშნულების მქონეა. არსებობს სხვადასხვა სიგრძისა ხერხემლის ორთოპედიული ქამრები და კორსეტები, რომლებსაც გააჩნიათ სპეციალური დამატებითი მეტალის ან პლასტმასის ჩანართები, დამზადებულია ჰაერგამტარი ნეოპრინის ან ელასტიური ბამბის მასალისგან. ასევე გვხდება აკრილის კორსეტები, რომელთა მთავარი დანიშნულება სითბოს შენარჩუნებაა. სამედიცინო ჯგუფი მომხმარებლებს საერთაშორისო ბაზარზე ცნობილი ექსკლუზიური ბრენდების - მორსასა/MorsaCyberg და ბერგერის/Berger პროდუქციას ხელმისაწვდომ ფასად თბილისის გარდა, საქართველოს სამ რეგიონში - გორში, ქუთაისსა და ბათუმში სთავაზობს. მათი შეძენა ასევე ონლაინ რეჟიმში "ახალი ხედვის" ოფიციალურ ვებ-გვერდზე არის შესაძლებელი. პროდუქტს ადგილზე ჩვენი წარმომადგენელი ან ფოსტის კურიერი უმოკლეს ვადაში მოგაწვდით.