ეკონომიკა
კომერციულ ბანკებში აშშ დოლარის ფასი საშუალოდ 2.64 ლარია
კომერციულ ბანკებში დღეს აშშ დოლარის ფასმა საშუალოდ, 2.64 ლარამდე დაიწია.
17:00 საათის მდგომარეობით, „საქართველოს ბანკში“ 1 აშშ დოლარის ყიდვა 2.635 ლარადაა შესაძლებელი, „თიბისი ბანკში“– 2.634 ლარად, „საქართველოს ბანკში’’- 2.635 ლარად, ,,ლიბერთი ბანკში’’ – 2,64 ლარად, „ვითიბი ბანკში“ - 2.61-ად, ხოლო „პროკრედიტ ბანკში“ 1 აშშ დოლარს მომხმარებელი 2.665 ლარად შეიძენს.
ამასთან, 1 აშშ დოლარს კომერციული ბანკები 2.49-2.55 ლარის ფარგლებში ყიდულობენ.
ლარის გაუფასურების ფონზე, დღეს ბაზარზე უცხოური ვალუტის ფასი მკვეთრად გაიზარდა და ზოგიერთ კომერციულ ბანკში აშშ დოლარის ფასი 2.70 ლარსაც გადააჭარბა.
ლარის ოფიციალური კურსი კი, ამ დროისათვის აშშ დოლართან მიმართებაში 2,5352-ია. ხვალიდან კი, ოფიციალური მონაცემებით 1 დოლარის ღირებულებად 2,5871ლარი განისაზღვრა.
ნინო ექვთიმიშვილი