ეკონომიკა
ლარის კურსის და ქართული ეკონომიკის სტაბილური განვითარების უზრუნველყოფა წარმატებიტ შევძელით - აკაკი ზოიძე
პარლამენტის ჯანდაცვის კომიტეტის თავმჯდომარის აკაკი ზოიძის განცხადებით, „ქართულმა ოცნებამ“ ქართული ეკონომიკის სტაბილური განვითარების უზრუნველყოფა მოახერხა.
დეპუტატმა მაგალითად, ლარის კურსი მოიყვანა და აღნიშნა, რომ ამჟამად ის სტაბილურ ნიშნულზეა.
ამის შესახებ ზოიძემ პარლამენტის სხდომაზე განაცხადა.
ამასთან, აკაკაი ზოიძემ კონსტიტუციაში ცვლილებების შეტანის კენჭისყრის პროცესი გაიხსენა და აღნიშნა, რომ მას განსაკუთრებული შეგრძნება ქონდა.
„განსაკუთრებული შეგრძნება მქონდა, როდესაც დავაჭირე მწვანე ღილაკს საქართველოს კონსტიტუციაში ცვლილებების მიღებისას. ეს შეგრძნება დღესაც არ გამქრალა, იმ პირობებში როდეც არის დაუსაბუთებელი ბრალდებები და ხშირ შემთხვევაში ცილისწამების ნიაღვარი ჩვენი ოპონენტების მხრიდან.
მწამს, რომ ჩვენს მიერ მიღებული უმნიშვნელოვანესი დოკუმენტი, ღირსეულად გაუძლებს ათწლეულების გამოცდას და დიდ როლს შეასრულებს ჩვენი სახელმწიფოებრიობის განმტკიცებასა და დემოკრატიულ განვითარებაში.
მაგრამ, რაოდენ მნიშვნელოვანი არ უნდა იყოს კონსტიტუცია, ის მხოლოდ საძიკრველია და ხშირ შემთხვევაში ინსტრუმენტი ქვეყნის იმ მთავარი მიზნების მისაღწევად, რომელიც ჩვენს წინასარჩევნო პროგრამაში სამი სიტყვით იყო გამოხატული: სტაბილურობა, სწრაფი განვითარება, კეთილდრეობა.
სტაბილურობა იყო ის ამოცანა, რომელიც ჩვენ გვქონდა პირველი ექსვსი თვის განმავლობაში იმ საკითხთან მიმართებაში, რასაც ქვია იგივე, ლარის კურსის და ქართული ეკონომიკის სტაბილური განვითარების უზრუნველყოფა და ჩვენ ეს წარმატებით შევძელით. დღეს, უკვე ლარის კურსი აღარ არის ყოველდღიური ნიუსების საგანი“,-აღნიშნა აკაკი ზოიძემ.
მონიკა დავლიანიძე