უკან

უახლესი ამბები

დღის კალენდარი

ანონსები

არქივი

ეკონომიკა

4 აპრილი, 2018 14:20
font-size

მაკროეკონომიკური მაჩვენებლები ადასტურებს, რომ სწორი გზით მივდივართ - ირაკლი კოვზანაძე

2018 წელს საქართველოს ეკონომიკა, სულ მცირე, 5%-ით გაიზრდება, - განაცხადა პარლამენტის საფინანსო-საბიუჯეტო კომიტეტის თავმჯდომარემ, ირაკლი კოვზანაძემ დღეს ქუთაისში, პარლამენტის პლენარულ სესიაზე.

„2018 წლის სახელმწიფო ბიუჯეტი დაგეგმილია ეკონომიკის 4.5%-იან ზრდაზე, თუმცა, იანვარ-თებერვლის მშპ-ის რეალურმა ზრდამ უკვე 4.9% შეადგინა, მხოლოდ თებერვალში აღნიშნულმა მაჩვენებელმა 5.5%-ს მიაღწია. საგარეო სავაჭრო ბრუნვა გასული წლის შესაბამის პერიოდთან შედარებით, გაზრდილია 16.3%-ით. განსაკუთრებით მნიშვნელოვანია, რომ წელსაც შენარჩუნებულია ექსპორტის იმპორტთან შედარებით მკვეთრი ზრდის ტენდენცია“, - აღნიშნა კომიტეტის თავმჯდომარემ.

ირაკლი კოვზანაძის თქმით, საქართველოში ინფლაციის დონე მცირდება და წელს, სავარაუდოდ, სამიზნე მაჩვენებელს მიუახლოვდება.

„გასულ წელს ჩვენი ეკონომიკისა და საზოგადოების ერთ-ერთი ყველაზე მტკივნეული საკითხი იყო სამომხმარებლო ფასების, ინფლაციის ზრდა. სტატისტიკის ეროვნულმა სამსახურმა გუშინ მარტის მონაცემები გამოაქვეყნა, რომლის მიხედვით, ინფლაციის დონემ -0.4% შეადგინა, ანუ, დეფლაცია დაფიქსირდა, წლიურმა ინფლაციამ კი - 2.8% შეადგინა. შეგახსენებთ, რომ ეროვნული ბანკის ინფლაციის თარგეთი წელს 3%-ით განისაზღვრა, ხოლო სახელმწიფო ბიუჯეტი- 3.5%-ზეა გათვლილი. ვფიქრობ, ინფლაცია მიმდინარე წელს დაგეგმილ ფარგლებში იქნება“, - აღნიშნა ირაკლი კოვზანაძემ.

კომიტეტის თავმჯდომარის თქმით, 2017 წელს საქართველოს მიმდინარე ანგარიშის დეფიციტი 8.7%-მდე შემცირდა, მაშინ როდესაც აღნიშნული მაჩვენებელი წლების განმავლობაში 12%-ის ფარგლებში მერყეობდა.

„მიმდინარე ანგარიშის დეფიციტის შემცირება განაპირობა ექსპორტის იმპორტთან შედარებით და ტურიზმიდან შემოსავლების, ასევე უცხოეთიდან ფულადი გზავნილების მოცულობის ზრდამ. მიმდინარე ანგარიშის დეფიციტი გაუმჯობესდა 530 მილიონი დოლარით, პირადად მე მიმაჩნია, რომ მიმდინარე ანგარიშის დეფიციტის შემცირების ტენდენცია წელსაც გაგრძელდება და ქვეყანაში მაკროეკონომიკურ და სავალუტო სტაბილურობას უზრუნველყოფს“, - განაცხადა ირაკლი კოვზანაძემ.

საფინანსო-საბიუჯეტო კომიტეტის თავმჯდომარემ მიმოიხილა 2018 წლის სახელმწიფო ბიუჯეტის შესრულების ტემპებიც და აღნიშნა, რომ მიმდინარე წლის პირველ კვარტალში, ოპერატიული მონაცემებით, ბიუჯეტის შემოსულობებმა 2 მლრდ. 961 მლნ. ლარი შეადგინა და გეგმა 213 მილიონი ლარის გადაჭარბებით შესრულდა.

„ჩვენ სწორი კურსი გვაქვს აღებული, სწორი გზით მივდივართ და ეს საქართველოს მთავრობის, პარლამენტისა და ეროვნული ბანკის ერთობლივი და კოორდინირებული მუშაობის შედეგია“, - განაცხადა ირაკლი კოვზანაძემ პარლამენტის პლენარულ სესიაზე.

საკვანძო სიტყვები:

აზიის განვითარების ბანკმა საქართველოს ბანკთან და გალტ ენდ თაგარტთან პარტნიორობით ლარის ობლიგაციების მასშტაბური განთავსება განახორციელა

17 ივლისი, 2019 , 10:15

საქართველოს ბანკის ჩართულობით და გალტ ენდ თაგარტთან პარტნიორობით აზიის განვითარების ბანკმა ლარის ობლიგაციების მასშტაბური განთავსება განახორციელა და 60 მილიონი ლარი მოიზიდა. საქართველოს ბანკი ობლიგაციების მასშტაბურ განთავ

მწვანე ეკონომიკისა და მცირე და საშუალო ბიზნესის ხელშეწყობა ქვეყნის მდგრად ინკლუზიურ განვითარებას უზრუნველყოფს - ეკატერინე მიქაბაძე

16 ივლისი, 2019 , 16:25

ეკონომიკისა და მდგრადი განვითარების მინისტრის მოადგილე ეკატერინე მიქაბაძის თავმჯდომარეობით სასტუმრო „ქორთიარდ მარიოტში“ გაიმართა სამუშაო შეხვედრა, რომელშიც მონაწილეობა მიიღეს სამთავრობო წრეების, კერძო სექტორი

აუქციონზე 30 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა

16 ივლისი, 2019 , 16:25

ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა,- ამის შესახებ “მედიანიუსს“ საქართველოს ეროვნული ბანკიდან აცნობეს. ს

ივნისში ევროკავშირის ქვეყნებიდან ფულადმა გზავნილებმა 56.78 მლნ, რუსეთიდან - 34.78 მლნ დოლარი შეადგინა - ეროვნული ბანკი

15 ივლისი, 2019 , 17:30

საქართველოს ეროვნული ბანკი ივნისის ფულადი გზავნილების სტატისტიკას აქვეყნებს, რომლის მიხედვითაც, 2019 წლის ივნისში ქვეყანაში შემოსული ფულადი გზავნილების ნაკადების მოცულობამ 143.6 მლნ აშშ დოლარი (398.8 მლნ ლარი) შეადგინა,

ეროვნული ბანკი ივნისში ფულადი გზავნილების სტატისტიკას აქვეყნებს

15 ივლისი, 2019 , 15:30

საქართველოს ეროვნული ბანკი, აქვეყნებს ინტერაქტიულ პრესრელიზს - ფულადი გზავნილების სტატისტიკა 2019 წლის ივნისის მდგომარეობით. ფულადი გზავნილების შესახებ ინტერაქტიული ინფორმაცია/პრესრელიზი ხელმისაწვდომია საქართველოს ეროვნ

Buta Airways ბათუმის მიმართულებით ფრენის სიხშირეს ზრდის

15 ივლისი, 2019 , 15:30

აზერბაიჯანული დაბალბიუჯეტიანი ავიაკომპანია „Buta Airways“ ბაქო-ბათუმი-ბაქოს საჰაერო ხაზზე ერთ სიხშირეს ამატებს და მიმდინარე წლის ზაფხულის სანავიგაციო სეზონის განმავლობაში, 17 ივლისიდან 18 სექტემბრამდე რეგულარ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს