რეგიონები

მაშველებმა მწყინვარწვერზე დაღუპული ბელგიელი მთამსვლელი გადმოასვენეს

სტეფანწმინდაში, მყინვარწვერზე 3.600 მეტრ სიმაღლეზე დაშავებული ალპინისტების ევაკუაციის განსახორციელებლად სამაშველო ღონისძიება დღეს 08:00 საათზე განახლდა.

საგანგებო სიტუაციების მართვის სააგენტოს ინფორმაციით, მეტეოსადგურიდან ვერტმფრენით ჩამოიყვანეს ორი მოქალაქე. მათ სიცოცხლეს საფრთხე არ ემუქრება.

სააგენტოს ინფორმაციით, ბელგიის სამეფოს გარდაცვლილი მოქალაქე 4.900 მეტრის სიმაღლიდან უკვე გადმოასვენეს.

შეგახსენებთ, რომ მყინვარწვერზე მყოფი 4 მთამსვლელიდან ერთ-ერთს სავარაუდოდ ფეხი დაუცდა, რის შედეგადაც სხეულის დაზიანებები მიიღო. მთამსვლელი მიღებული დაზიანებების შედეგად გარდაიცვალა.

შსს-მ მომხდარზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.