უკან

საზოგადოება

22 მარტი, 2019 19:00
font-size

მერაბ კოკოჩაშვილის საიუბილეო საღამო გაიმართა

ივანე ჯავახიშვილის სახელობის თბილისის სახელმწიფო უნივერსიტეტში რეჟისორის, სახალხო არტისტის, საზოგადო მოღვაწის, თსუ-ის ჰუმანიტარულ მეცნიერებათა ფაკულტეტის კინო-ტელე-ხელოვნების მიმართულების ხელმძღვანელის, ასოცირებული პროფესორის მერაბ კოკოჩაშვილის ცხოვრებისა და მოღვაწეობისადმი მიძღვნილი საიუბილეო საღამო გაიმართა.

„მერაბ კოკოჩაშვილი წლების განმავლობაში საკუთარ ცოდნას, საკუთარ გამოცდილებას და ფანტასტიკურ ხედვას ახმარს ჩვენი მომავალი თაობის აღზრდას,“- განაცხადა საიუბილეო საღამოზე თსუ რექტორმა გიორგი შარვაშიძემ, რომელმაც ცნობილი რეჟისორი ქართული კულტურის განვითარებაში შეტანილი წვლილისათვის და ხანგრძლივი და წარმატებული სამეცნიერო-პედაგოგიური მოღვაწეობისათვის უნივერსიტეტის საიუბილეო მედლით დააჯილდოვა.

„დარწმუნებული ვარ, რომ მერაბ კოკოჩაშვილის მსგავს ადამიანებთან ურთიერთობა, მათი ცოდნის, გამოცდილების გაზიარება ხელს უწყობს ცოდნის ამაღლებას, სტუდენტების პროფესიულ ზრდას. დარწმუნებული ვარ, სტუდენტები მისით ამაყობენ. მერაბ კოკოჩაშვილმა თავის მეგობრებთან, კოლეგებთან ერთად გარდატეხა შეიტანა ქართულ ხელოვნებასა და, როგორც თვითონ ხაზს უსვამს ხოლმე, ეროვნულ კინოში,“-აღნიშნა საქართველოს განათლების, მეცნიერების, კულტურისა და სპორტის მინისტრის მოადგილემ მიხეილ გიორგაძემ.

ღონისძიებაზე ნაჩვენები იყო მერაბ კოკოჩაშვილისადმი მიძღვნილი დოკუმენტური ფილმი - ,,ვინც თავისი თავი შექმნა, self made” (ავტორი: გაზეთ ,,თბილისის უნივერსიტეტის“ რედაქტორი ნინო კაკულია).

„დიდი ბედნიერებაა იყო მერაბ კოკოჩაშვილის სტუდენტი და გაიზარდო იმ ესთეტიკურ ფასეულობებზე, რომელსაც ის ასწავლის როგორც პროფესორი და როგორც რეჟისორი. იგი ჩვენი უნივერსიტეტის გამორჩეული სახეა, რომელმაც რეჟისორთა მრავალი თაობა აღზარდა,“- განაცხადა თსუ ჰუმანიტარულ მეცნიერებათა ფაკულტეტის დეკანმა ნანა გაფრინდაშვილმა.

ღონისძიებას საქართველოს პარლამენტის წევრები, საქართველოს ეროვნული კინო-ცენტრის დირექტორის მოვალეობის შემსრულებელი მაია ჭილაშვილი, კინო-აკადემიისა და კინოსტუდია ,,ქართული ფილმის“ წარმომადგენლები, თბილისის სახელმწიფო უნივერსიტეტისა და შოთა რუსთაველის თეატრისა და კინოს უნივერსიტეტის პროფესორები, სტუდენტები და მოწვეული სტუმრები დაესწრნენ.

მერაბ კოკოჩაშვილმა მადლობა გადაუხადა ღონისძიების მონაწილეებს. „თითქმის 30 წელია უნივერსიტეტში ვმუშაობ. შემიძლია გითხრათ, რომ კინო-ტელეხელოვნების მიმართულების ჩამოყალიბებიდან აქ ვარ. უნივერსიტეტი ყოველთვის ძალიან დიდ ყურადღებას იჩენდა ჩვენი მიმართულების მიმართ და მიმართულებაც ცდილობდა მაქსიმალურად ყველაფერი გაეკეთებინა უნივერსიტეტისთვის. უნივერსიტეტის კინოს ენისა და სტრუქტურის ლაბორატორიაში გარკვეული მეცნიერული კვლვევა მიმდინარეობდა. აქ შეიქმნა კინოს ენციკლოპედიური ლექსიკონი, რომელიც ძალიან საჭირო წიგნია დღევანდელი კინომატოგრაფებისათვის,“-აღნიშნა ცნობილმა რეჟისორმა.

11 მხატვრული და 10 დოკუმენტური ფილმის რეჟისორს 21 მარტს 84 წელი შეუსრულდა. მერაბ კოკოჩაშვილი 2006 წლიდან დღემდე თსუ-ის ჰუმანიტარულ მეცნიერებათა ფაკულტეტის კინო-ტელე-ხელოვნების მიმართულების ხელმძღვანელია.

საკვანძო სიტყვები:

ძალიან მიყვარხართ, მეამაყებით, თქვენთან ერთად ვარ და თქვენთან ერთად ვიდგები გამარჯვებამდე - გიორგი მარგველაშვილი

25 ივნისი, 2019 , 22:49

საქართველოს მეოთხე პრეზიდენტი გიორგი მარგველაშვილი პარლამენტის წინ, საპროტესტო აქციაზე მივიდა და შეკრებილებს მიმართა. „საქართველოს ისტორია იწერება ყველაზე ამაყი ფრაზით: „ჩვენ, საქართველოს მოქალაქენი“ აი

ტექნიკური უნივერსიტეტის სტუდენტები სტაჟირებას ევროპის ცნობილ ღვინის საწარმოებში გაივლიან

25 ივნისი, 2019 , 17:30

საქართველოს ტექნიკურ უნივერსიტეტში სტუდენტთა საერთაშორისო სამეცნიერო კონფერენცია - „ღვინო, როგორც სოციალურ-ეკონომიკური განვითარების რესურსი და ქვეყნის იდენტობა“ გაიმართა. ღონისძიება „კონსალტინგისა და ა

ვთხოვთ ჩვენს მრევლს, წელს ამჯობინეთ დასვენება საქართველოში - საპატრიარქო

25 ივნისი, 2019 , 17:15

საქართველოს საპატრიარქო ხელისუფლებასა და ბანკების ხელმძღვანელებს მიმართავს, ვიდრე ვითარება შეიცვლება, მაქსიმალურად გაუწიონ შეღავათი ტურისტულ სექტორში დასაქმებულ კრედიტორებს. ამის შესახებ საქართველოს საპატრიარქოს განცხადე

მივმართავთ ხელისუფლებას, 20 ივნისს დაკავებულთა მიმართ გამოიჩინონ მაქსიმალური ლოიალობა - საპატრიარქო

25 ივნისი, 2019 , 16:40

მივმართავთ ხელისუფლებას, 20 ივნისს დაკავებულთა მიმართ გამოიჩინონ მაქსიმალური ლოიალობა, – აღნიშნულია საქართველოს საპატრიარქოს მიერ გავრცელებულ განცხადებაში. „კიდევ ერთხელ გამოვთქვამთ გულისტკივილს 19-20 ივნისს

ჯასტინ მაქენზი კამპანია „ესტუმრე საქართველოს“ შეურთდა

25 ივნისი, 2019 , 16:40

საქართველოში ბრიტანეთის ელჩი ჯასტინ მაქენზი კამპანია „ესტუმრე საქართველოს“ შეურთდა. ელჩმა მიკრობლოგ „თვითერზე“ ფოტოები გააზიარა და აღნიშნა, რომ ეს მხოლოდ მცირედი ჩამონათვალია ი

სამართალდამცველებმა იმოქმედეს ისე, როგორც უნდა ემოქმედათ - პრეზიდენტის პრესსპიკერმა

25 ივნისი, 2019 , 16:05

სამართალდამცველებმა იმოქმედეს ისე, როგორც უნდა ემოქმედათ. თუმცა, ამ ქმედებებისას, თუ ჰქონდა ადგილი ძალის გადამეტებას, გადაცდომას, რა თქმა უნდა, ეს არის გამოძიების თემა, - ამის შესახებ პრეზიდენტის პრესსპიკერმა ხატია მოისწ