მოზაიკა

National Geographic თავის მკითხველს 2018 წელს თბილისის მონახულებას ურჩევს

ცნობილმა გამოცემამ National Geographic-მა თბილისი იმ 21 ადგილს შორის დაასახელა, რომლის ნახვას 2018 წელს თავის მკითხველს ურჩევს.

„რატომ წავიდეთ ახლა: გამოსცადეთ ძველი თბილისის ნამდვილი შარმი.

აღმშენებლობა თავბრუდამხვევი ტემპებით ცვლის საქართველოს დედაქალაქის იერს. ტრადიციული ქართული გამოცდილება – 24 საათიანი გოგირდის აბანოები, ხინკალი (მოხარშული ხორცი) და ადგილობრივი მოსახლეობის ლეგენდარული სტუმართმოყვარეობა“, -ნათქვამია სტატიაში.

ავტორი აღნიშნავს, რომ თბილისის არქიტექტურაზე გავლენა მოახდინა სპარსეთის, არაბული, ბიზანტიური, ოსმალეთის, რუსული და საბჭოთა ოკუპაციებმა.

2018 წლის მონახულებადი ადგილების სიაში ასევე მოხვდნენ მალმო (შვედეთი), სიდნეი (ავსტრალია), სანტიაგო (ჩილე), კლივლენდი (აშშ) და ა.შ.

ანა მებურიშვილი