რეგიონები
ოზურგეთში ენმ საპრიოტესტო აქციას მართავს
ოზურგეთში საპროტესტო აქცია მიმდინაერეობს.
ნაციონალური მოძრაობის წევრის, ბესიკ ქათამაძის მიმართ ოზურგეთის საკრებულოს დეპუტატების მიერ განხორციელებული ძალადობის გამო აქციის მონაწილეები, სამანდატო კომისიის შეკრებას და ინციდენტში მონაწილე დეპუტატებისთვის მანდატების ჩამორთმევას ითხოვენ.
ენმ-ის რამდენიმე ლიდერი საკრებულოს თავმჯდომარეს ხვდება. მათი ერთ-ერთი მთავარი მოთხოვნა არის თავდასხმაში მონაწილე პირების დასჯა. მათი თქმით, ბესო ქათამაძეს რამდენიმე დეპუტატი გაუსწორდა ფიზიკურად.
აქციის მონაწილეები საკრებულოს თავმჯდომარეს გადადგომისკენ მოუწოდებენ, მათი თქმით, თუ მოთხოვნები არ დაკმაყოფილდება, აქცია პერმანენტულ ხასიათს მიიღებს.
„შევიკრიბეთ და ვთხოვთ სამართალდამცავ უწყებებს და ხელისუფლებას, რომ დაისაჯონ დამნაშავეები, რომლებიც ასე ლაჩრულად, ტურებივით მომეპარნენ უკნიდან, მირტყამდნენ, თავში ჩამარტყეს ბლაგვი საგანი, გამთიშეს და შემდეგ იძახიან, რომ ეს კი ვქენით, მაგრამ ვიღაც სხვისკენ იშვერენ ხელს, რომელიც დეპუტატი საერთოდ არ ყოფილა ამ პროცესში,“ - განაცხადა ქათამაძემ.
ოზურგეთში იმყოფება "ერთიანი ნაციონალური მოძრაობის” პოლიტიკური საბჭოს თავმჯდომარე ნიკა მელიაც. ნიკა მელია ხელისუფლებას დამნაშავეებისთვის ხელის დაფარებაში ადანაშაულებს. მისი განცხადებით, რეალური თავდამსხმელები დროულად უნდა მიეცნენ სისხლის სამართლებრივ პასუხისგებაში.
აქციის პარალელურად საკრებულოს და მერიის შენობებთან სპეცრაზმია მობილიზებული.
შეგახსენებთ, რომ გუშინ ოზურგეთის რაიონულმა სასამართლომ ტარიელ აროშიძეს ბესო ქათამაძეზე თავდასხმისთვის 5 ათას ლარიანი გირაო შეუფარდა.