რეგიონები
პანკისის ხეობაში ჰესების აშენების მოწინააღმდეგეებს პოლიციაში აქტიურად იბარებენ - შენგელი ტოხოსაშვილი
პანკისის ხეობაში, სოფელ დუისში მოსახლეობა აქციას მართავს. ადგილობრივები სოფელ ბირკიანში ხადორის ჰესის მშენებლობას აპროტესტებენ, რადგან, მათი აზრით, ის ხეობას ეკოლოგიურ პრობლემას შეუქმნის.
აქციის ორგანიზატორების ცნობით, ორი კვირაა, ჰესების მშენებლობის აქტიურ მოწინააღმდეგეებს პოლიციაში იბარებენ და პროტესტის შეწყვეტისკენ მოუწოდებენ.
„ჩვენ არ ავაშენებინებთ კიდევ ერთ ჰესს ხეობაში, კიდევ უფრო არ დავაზიანებთ ბუნებას. ჩვენ მოვითხოვთ, ასევე შეწყდეს პოლიციაში აქტიური დაბარება იმ ხალხის, ვინც აქტიურად აპროტესტებს მშენებლობას. მოვიდნენ და შეგვხვდნენ, მოისმინონ ჩვენი პოზიცია", - განაცხადა აქციის ერთ-ერთმა მონაწილემ შენგელი ტოხოსაშვილმა.
მოსახლეობამ ამ თემაზე პრეზიდენტს, პრემიერს, პარლამენტის თავმჯდომარეს, სახალხო დამცველსა და საქართველოში აკრედიტებულ დიპლომატიურ მისიებს სპეციალური განცხადებით მიმართავს.