კომენტარი

პარალელური ძალოვანი უკონტროლო სამსახური ჩვენ არ გვინდა - შალვა ხუციშვილი

დროებითი მოთავსების იზოლატორებში რაიმე სახის ფიზიკური ზეწოლაზე ან რაიმე არასათანადო მოპყრობაზე საუბარი არ არის, - ასე ეხმაურება შინაგან საქმეთა მინისტრის მოადგილე შალვა ხუციშვილი სახალხო დამცველს, რომელიც ანგარიშში ასეთი ფაქტების მატებაზე საუბრობს.

ამასთან, შს მინისტრის მოადგილე არ იზიარებს ომბუდსმენის იდეას ალტერნატიული საგამოძიებო ორგანოს შექმნასთან დაკავშირებით.

ხუციშვილი მიიჩნევს, რომ ერთეული შემთხვევების გამო, არ უნდა მოხდეს სისტემის დისკრედიტაცია.

,,ჩვენ გამოვრიცხავთ, რომ ეს არის სისტემური პრობლემა. ერთეული შემთხვევები, რაზეც იყო საჩივრები, შესწავლილია და უმეტესზე პროკურატურა აწარმოებს გამოძიებას. რაღაც ნაწილზე, უბრალოდ არასწორი დასკვნებია გაკეთებული.

ცალსახად აზრს არ ვიზიარებთ. დამოუკიდებელ საგამოძიებო მექანიზმს აქვს რამდენიმე მნიშვნელოვანი კომპონენტი; ეს არის დამოუკიდებელი გამოძიება, მაგრამ ისეთად, როგორც იყო წარმოდგენილი, რომ უნდა შექმნილიყო პარალელური უწყება, რომელსაც არავინ არ გააკონტროლებდა, ჩვენ არ ვემხრობით. პარალელური ძალოვანი უკონტროლო სამსახური ჩვენ არ გვინდა, მაგრამ თავისთავად ის ფაქტი, რომ ეს შეიძლება გარკვეული ფორმით გაუმჯობესდეს, ჩვენ ამას მხოლოდ მივესალმებით’’, - განუცხადა ჟურნალისტებს შალვა ხუციშვილმა.

ნინო ექვთიმიშვილი